Breaking News
പേരാവൂരിനടുത്ത് നെടുംപൊയിലില്‍ ആര്‍എസ്‌എസ് പ്രവര്‍ത്തകനെ വെട്ടിക്കൊന്നു... വൈക്കം മുറിഞ്ഞപുഴയില്‍ മത്സ്യ തൊഴിലാളികളുടെ വലയില്‍ മൃതദേഹം... കാശ്മീരിൽ പാക് വെടിവയ്പ്: മ​ല​യാ​ളി ജ​വാ​ന് വീരമൃത്യു... ജി​എ​സ്ടി​യി​ൽ വീ​ണ്ടും ഇ​ള​വ്... കാസർഗോട്ട് വീട്ടമ്മ കൊല്ലപ്പെട്ട നിലയിൽ... ശ്രീജിവിന്‍റെ കസ്റ്റഡി മരണം സിബിഐ അന്വേഷിക്കും... ദേശീയ ബോക്സിംഗ് താരത്തിന്‍റെ കൊലപാതകവുമായി ബന്ധപ്പെട്ട് മൂന്ന് പേർ പിടിയിൽ... ഗോ​വ​യി​ൽ ഇ​ന്ന് ടൂ​റി​സ്റ്റ് ടാ​ക്സി ഡ്രൈ​വ​ർ​മാ​രു​ടെ പ​ണി​മു​ട​ക്ക്... സിം​ബാ​ബ്‌​വേ പ്ര​തി​പ​ക്ഷ നേ​താ​വും ഭാര്യയും ഹെ​ലി​കോ​പ്റ്റ​ർ അ​പ​ക​ട​ത്തി​ൽ മ​രി​ച്ചു...

23 December, 2017 09:36:14 PM


സന്നിധാനത്ത് ഭക്തിനിർഭരമായി ദേവസ്വം ജീവനക്കാരുടെ കർപ്പൂരാഴി




ശബരിമല: ശരണമന്ത്രങ്ങളാൽ മുഖരിതമായ സന്നിധാനത്ത് തിരുവിതാംകൂർ ദേവസ്വംബോർഡ് ജീവനക്കാരുടെ കർപ്പൂരാഴി. ഇന്നലെ ദീപാരാധന കഴിഞ്ഞ് കൊടിമരച്ചുവട്ടിൽ ഒാട്ടുരുളിയിൽ നിറച്ചുവച്ച കർപ്പൂരത്തിൽ ശബരിമല മേൽശാന്തി എ.വി. ഉണ്ണികൃഷ്ണൻ നമ്പൂതിരിയുടെ സാന്നിധ്യത്തിൽ ശബരിമല തന്ത്രി കണ്ഠരര് മഹേഷ് മോഹനര് തിരി തെളിയിച്ചതോടെ വർണപ്പകിട്ടാർന്ന ഘോഷയാത്ര ആരംഭിച്ചു.

അമ്പലത്തിന് വലംവച്ച ശേഷം മാളികപ്പുറം മേൽപ്പാലത്തിലൂടെ സഞ്ചരിച്ച് ക്ഷേത്രം വലംവച്ച് പടിയിറങ്ങി വാവരുസ്വാമിയുടെ നടയിലൂടെ നടപ്പന്തലിലൂടെ പതിനെട്ടാംപടി നടയിലെത്തി ഘോഷയാത്ര അവസാനിച്ചു. സന്നിധാനം ചുറ്റുമതിലിൽ കർപ്പൂരം തെളിയിച്ച് ദീപക്കാഴ്ചയൊരുക്കി.

ചെണ്ടമേളം, പഞ്ചവാദ്യം, നാദസ്വരം, തകിൽ തുടങ്ങിയ വിവിധ വാദ്യമേളങ്ങളും ഗരുഡനും പുലികളിയും  നൃത്തരൂപങ്ങളും പുലിവാഹനനായ അയ്യപ്പസ്വാമി, വാവരുസ്വാമി, ശ്രീരാമൻ, സീത, ശിവൻ, പാർവതി, ശ്രീകൃഷ്ണൻ, കുചേലൻ, ഹനുമാൻ, ബാലമുരുകൻ, പന്തളം രാജാവ്, മഹിഷി, വെളിച്ചപ്പാട്, നാരദൻ, പരശുരാമൻ തുടങ്ങിയ വേഷവിധാനങ്ങളും ഘോഷയാത്രയുടെ മാറ്റുകൂട്ടി. ദേവസ്വം ബോർഡ് പ്രസിഡന്റ് എ. പത്മകുമാർ, ബോർഡ് അംഗം കെ.പി. ശങ്കരദാസ്, പി.ആർ.ഒ. മുരളി കോട്ടയ്ക്കകം, എക്‌സിക്യൂട്ടീവ് ഓഫീസർ വി.എൻ. ചന്ദ്രശേഖരൻ എന്നിവർ സന്നിഹിതരായി



Share this News Now:
  • Google+
Like(s): 19