Breaking News
പേരാവൂരിനടുത്ത് നെടുംപൊയിലില്‍ ആര്‍എസ്‌എസ് പ്രവര്‍ത്തകനെ വെട്ടിക്കൊന്നു... വൈക്കം മുറിഞ്ഞപുഴയില്‍ മത്സ്യ തൊഴിലാളികളുടെ വലയില്‍ മൃതദേഹം... കാശ്മീരിൽ പാക് വെടിവയ്പ്: മ​ല​യാ​ളി ജ​വാ​ന് വീരമൃത്യു... ജി​എ​സ്ടി​യി​ൽ വീ​ണ്ടും ഇ​ള​വ്... കാസർഗോട്ട് വീട്ടമ്മ കൊല്ലപ്പെട്ട നിലയിൽ... ശ്രീജിവിന്‍റെ കസ്റ്റഡി മരണം സിബിഐ അന്വേഷിക്കും... ദേശീയ ബോക്സിംഗ് താരത്തിന്‍റെ കൊലപാതകവുമായി ബന്ധപ്പെട്ട് മൂന്ന് പേർ പിടിയിൽ... ഗോ​വ​യി​ൽ ഇ​ന്ന് ടൂ​റി​സ്റ്റ് ടാ​ക്സി ഡ്രൈ​വ​ർ​മാ​രു​ടെ പ​ണി​മു​ട​ക്ക്... സിം​ബാ​ബ്‌​വേ പ്ര​തി​പ​ക്ഷ നേ​താ​വും ഭാര്യയും ഹെ​ലി​കോ​പ്റ്റ​ർ അ​പ​ക​ട​ത്തി​ൽ മ​രി​ച്ചു...

29 December, 2017 10:26:48 PM


മകരവിളക്ക് ഉത്സവത്തിന് ശബരിമല നട ശനിയാഴ്ച തുറക്കും



ശബരിമല: മകരവിളക്ക് ഉല്‍സവത്തിനായി നട ശനിയാഴ്ച വൈകീട്ട് അഞ്ചിന് തുറക്കും. രാവിലെ 10മുതല്‍ പമ്പയില്‍നിന്നും ഭക്തര്‍ക്ക് പ്രവേശനം നല്‍കും. നട തുറന്നശേഷം ആഴി തെളിയിക്കും. അതിനുശേഷം മാത്രമാണ് ഭക്തര്‍ക്ക് ദര്‍ശനം അനുവദിക്കുക. രാത്രി 11ന് നട അടയ്ക്കും. നാളെ(31ന്) രാവിലെ 3.30ന് നട തുറക്കും. തുടര്‍ന്ന് തന്ത്രിയുടെ കാര്‍മികത്വത്തില്‍ അഭിഷേകം നടക്കും. 

ശുചിത്വകര്‍മ്മസേനാ പ്രവര്‍ത്തനം അവലോകനം ചെയ്തു


ശബരിമലയില്‍ ശുചിത്വം നിലനിര്‍ത്തുന്നതില്‍ രൂപീകരിച്ച ശബരിമല സാനിട്ടേഷന്‍ സൊസൈറ്റി പ്രവര്‍ത്തനങ്ങള്‍ ഇന്നലെ(29ന്) അവലോകനം ചെയ്തു. വാവരുസ്വാമി നടയില്‍ സാനിട്ടേഷന്‍ സൊസൈറ്റി അംഗവും അടൂര്‍ ആര്‍.ഡി.ഒയുമായ എം.എ. റഹിം, ഡ്യൂട്ടി മജിസ്‌ട്രേറ്റ് എം സുരേഷ് എന്നിവര്‍ പ്രവര്‍ത്തനങ്ങള്‍ വിലയിരുത്തി സാനിട്ടേഷന്‍ സൊസൈറ്റി അംഗങ്ങള്‍ക്ക് നിര്‍ദേശങ്ങള്‍ നല്‍കി. മകരവിളക്ക് ഉല്‍സവകാലത്ത് ഭക്തര്‍ക്ക് ബുദ്ധിമുട്ടുണ്ടാവാത്ത രീതിയില്‍ മാലിന്യങ്ങള്‍ നീക്കം ചെയ്യണമെന്നും വരും ദിവസങ്ങളില്‍ തിരക്ക് കൂടുന്നതനുസരിച്ച് പ്രവര്‍ത്തനങ്ങള്‍ വ്യാപിപ്പിക്കണമെന്നും നിര്‍ദേശങ്ങള്‍ സൊസൈറ്റി അംഗങ്ങള്‍ക്ക് നല്‍കി.  




Share this News Now:
  • Google+
Like(s): 40