Breaking News
ഇന്ന് അര്‍ദ്ധരാത്രി മുതല്‍ ആരംഭിക്കാനിരിക്കുന്ന അനിശ്ചിതകാല കെഎസ്‌ആര്‍ടിസി പണിമുടക്ക് മാറ്റില്ലെന്ന് സംയുക്ത സമരസമിതി തീരുമാനം. പണിമുടക്ക് തടഞ്ഞ ഹൈക്കോടതി വിധി പരിഗണിക്കുന്നില്ലെന്നാണ് യൂണിയന്‍ അറിയിച്ചിരിക്കുന്നത്... ബിഷപ്പിനെതിരെ സമരം ചെയ്ത കന്യാസ്ത്രീകള്‍ക്ക് കൂട്ട സ്ഥലമാറ്റം; പ്രതികാര നടപടിയെന്ന് കന്യാസ്ത്രീകള്‍... കെ​എ​സ്‌ആ​ര്‍​ടി​സി അ​നി​ശ്ചി​ത​കാ​ല പ​ണി​മു​ട​ക്ക് ഹൈ​ക്കോ​ട​തി ത​ട​ഞ്ഞു... ഭര്‍ത്താവിന്‍റെ അമ്മയെ മര്‍ദ്ദിച്ചെന്ന് ആരോപണം ; കനകദുര്‍ഗയ്‌ക്കെതിരെ കേസെടുത്തു... ശബരിമലയില്‍ ദര്‍ശനം നടത്താനെത്തിയ യുവതികള്‍ മടങ്ങി ; യുവതികളെ തടഞ്ഞത് ഗുണ്ടായിസമെന്ന് ദേവസ്വം മന്ത്രി... കൊല്ലം ബൈപ്പാസ് പ്രധാനമന്ത്രി നരേന്ദ്ര മോദി നാടിന് സമര്‍പ്പിച്ചു... അഡ്‌ലെയ്ഡ് ഏകദിനത്തില്‍ ഇന്ത്യയ്ക്ക് ആറ് വിക്കറ്റ് ജയം; കോഹ്ലിക്ക് സെ‍ഞ്ചുറി... ശബരിമലയിലെ നിരോധനാജ്ഞ നീട്ടില്ലെന്ന് ജില്ലാഭരണ കൂടവും പോലീസും തീരുമാനിച്ചു... ശബരിമലയിലെ സ്ത്രീ പ്രവേശന ഹര്‍ജികള്‍ 22 ന് പരിഗണിക്കില്ലെന്ന് സുപ്രീം കോടതി... ഏഷ്യന്‍ കപ്പില്‍ പ്രീ ക്വാര്‍ട്ടറിന്‍റെ അരികില്‍ നിന്ന് ഇന്ത്യ പുറത്ത്... കനകദുർഗയെ പെരിന്തൽമണ്ണയിലെ വീട്ടിലെത്തിയപ്പോൾ ഭർത്താവിന്‍റെ ബന്ധുക്കൾ മർദ്ദിച്ചതായി പരാതി... കൊല്ലം ബൈപ്പാസ് ഉദ്ഘാടനം ഇന്ന് പ്രധാനമന്ത്രി നിര്‍വ്വഹിക്കും... രാജ്യദ്രോഹ കേസ്; കനയ്യ കുമാറുള്‍പ്പടെ 10 പേര്‍ക്ക് എതിരെ കുറ്റപത്രം... പയ്യോളിയില്‍ സിപിഎം പ്രവര്‍ത്തകന്‍റെ വീടിനു നേരേ ബോംബെറിഞ്ഞ സംഭവം- ബിജെപി പ്രവര്‍ത്തകര്‍ കസ്റ്റഡിയില്‍... പൊങ്കല്‍ പ്രമാണിച്ച് ആറ് ജില്ലകള്‍ക്ക് നാളെ പ്രാദേശിക അവധി... അഗസ്ത്യാർകൂടത്തിലേക്കുളള സ്ത്രീ പ്രവേശനത്തിനെതിരെ കാണി വിഭാഗം രംഗത്ത്... അഗസ്ത്യാർകൂട യാത്രയ്ക്ക് ഇന്ന് തുടക്കം... മല കയറാന്‍ തയ്യാറായി ഒട്ടേറെ വനിതകളും... ഇന്ന് മകരവിളക്ക്; തിരുവാഭരണ ഘോഷയാത്ര വൈകിട്ട് അഞ്ചരയ്ക്ക് ശരംകുത്തിയിൽ എത്തും... വൈക്കം വടയാര്‍ പാലത്തില്‍ ലോറിയിടിച്ച് ബൈക്ക് യാത്രികരായ രണ്ട് യുവാക്കള്‍ മരിച്ചു... ഗാന്ധിയന്‍ കെ.പി.എ.റഹീം പ്രസംഗിക്കുന്നതിനിടെ കുഴഞ്ഞുവീണ് അന്തരിച്ചു... ദേവികുളം ഗ്യാപ്പ് റോഡരികിൽ റിസോര്‍ട്ട് ഉടമയും ജീവനക്കാരനും മരിച്ച നിലയില്‍... മാനേജര്‍ ഒളിവില്‍... രാമപുരത്തും പാലായിലും വാഹനാപകടങ്ങളില്‍ മൂന്ന് മരണം; പാലായിലെ അപകടം രാമപുരത്ത് നിന്ന് പോയ ആംബുലന്‍സ് ഇടിച്ച്... പഴന്തോട്ടം പള്ളി തർക്കത്തിന് താത്കാലിക പരിഹാരം; കാതോലിക്ക ബാവ ഉപവാസം അവസാനിപ്പിച്ചു... അലോക് വർമ്മയ്ക്കെതിരെ സിബിഐ അന്വേഷണത്തിന് ശുപാർശ... അതിരമ്പുഴ തിരുനാള്‍ 19ന് ആരംഭിക്കും; ഫെബ്രുവരി ഒന്നിന് എട്ടാമിടം...

22 February, 2018 08:50:19 PM


ഇരുപത് രൂപ ദക്ഷിണ വാങ്ങിയ പാവം ശാന്തിക്കാരന്‍ പുറത്ത് അമ്പലം വിഴുങ്ങികള്‍ അകത്ത്; ദേവസ്വം വിജിലന്‍സിന്‍റെ 'ധീരകൃത്യം' വൈറലാകുന്നു

ദക്ഷിണ വാങ്ങരുത്, വന്‍ അഴിമതിയാണ്, ഈശ്വരന്‍ കൈവിടും...




'ചരട് ജപിച്ചു നല്‍കിയതിന് ദക്ഷിണ വാങ്ങിയ ശാന്തിക്കാരനെ വിജിലന്‍സ് പിടികൂടി സസ്പെന്‍ഡ് ചെയ്തു'. വെറും 20 രൂപ കൈപ്പറ്റിയ ശാന്തിക്കാരനെ സസ്പെന്‍ഡ് ചെയ്യുക എന്ന 'ധീരകൃത്യം' നടത്തിയതാകട്ടെ കൊച്ചിന്‍ ദേവസ്വം ബോര്‍ഡ് വിജിലന്‍സ് ഉദ്യോഗസ്ഥര്‍. തൃശൂര്‍ പനങ്ങാട്ടുകര കീഴേടം മച്ചാട് തിരുവാണിക്കാവ് ക്ഷേത്രത്തിലെ മേല്‍ശാന്തി സുരേഷ് എമ്പ്രാന്തിരിയാണ് ചരട് ജപിച്ചു നല്‍കിയതുമായി ബന്ധപ്പെട്ട് സസ്പെന്‍ഷനിലായത്.  

ഒരു പാവപ്പെട്ട ശാന്തിക്കാരനെ കുടുക്കാന്‍ വിജിലന്‍സ് സ്വീകരിച്ച വഴിയാണ് ഏറെ രസകരം. കഴിഞ്ഞ സെപ്തംബര്‍ 23നായിരുന്നു സംഭവം. വിജിലന്‍സ് അസിസ്റ്റന്‍റ് പുഷ്പാഞ്ജലി, മാല എന്നിവയ്ക്കായി എടുത്ത രസീത് ക്ഷേത്രം കാരായ്മ മേല്‍ശാന്തിയെ ഏല്‍പ്പിച്ചു. ഒപ്പം ജപിച്ച ചരടും ആവശ്യപ്പെട്ടു. മേല്‍ശാന്തി ജപിച്ച ചരട് നല്‍കുകയും ചെയ്തു. ചരടിന്‍റെ വില ചോദിച്ചപ്പോള്‍ പ്രത്യേക വില നിശ്ചയിച്ചിട്ടില്ലെന്നും ദക്ഷിണ സ്വീകരിക്കാറാണ് പതിവെന്നും അറിയിക്കുന്നു. ഇതനുസരിച്ച് 20 രൂപ നല്‍കുന്നു. ദേവസ്വത്തിന്‍റെ അറിവും സമ്മതവും കൂടാതെ ഭക്തര്‍ക്ക് ചരട് ജപിച്ച് നല്‍കിയ പാവം മേല്‍ശാന്തിയെ ഈശ്വരനും കൈവിട്ടു. ഭക്തജനങ്ങള്‍ക്ക് ജപിച്ച ചരട് കാലങ്ങളായി നല്‍കി വരുന്നതാണെന്നും ഇതുവഴി അനധികൃതമായി സ്വത്ത് സമ്പാദിച്ചുവെന്നുമാണ് കണ്ടെത്തല്‍. 

തുടര്‍ന്ന് ഒക്ടോബര്‍ 28ന് മേല്‍ശാന്തിക്ക് കാരണം കാണിക്കല്‍ നോട്ടീസ് നല്‍കി. മേല്‍ശാന്തിയുടെ വിശദീകരണം തൃപ്തികരമല്ലെന്നായിരുന്നു ബോര്‍ഡിന്‍റെ വിലയിരുത്തല്‍. അങ്ങനെ ഒരു വന്‍ അഴിമതി പിടികൂടിയ 'ക്രഡിറ്റോ'ടെ കഴിഞ്ഞ 14ന് സസ്പെന്‍ഷന്‍ ഉത്തരവ് പുറപ്പെടുവിക്കുകയായിരുന്നു ദേവസ്വം ബോര്‍ഡ്. 


'ദൈവവിശ്വാസി'കളായ ഈ വിജിലന്‍സ് ഉദ്യോഗസ്ഥര്‍ തന്നെ തങ്ങളുടെ സ്വന്തം കാര്യത്തിന് വഴിപാട് കഴിച്ചാല്‍ ദൈവത്തിന്‍റെ പ്രതിപുരുഷനായി സങ്കല്‍പിക്കുന്ന ശാന്തിക്കാരന് "ദക്ഷിണ എന്ന കൈക്കൂലി" നല്‍കാറില്ലാ എന്ന് കരുതാം. ശാന്തിക്കാരന്‍റെ കാര്യം മാറ്റി വെക്കാം. ദേവസ്വം ഭരണത്തിന് കീഴിലുള്ള ക്ഷേത്രങ്ങളിലെ മറ്റ് ജീവനക്കാരും ബോര്‍ഡ് അംഗങ്ങളും ഉള്‍പ്പെടെയുള്ളവര്‍ വാങ്ങുന്ന കൈക്കൂലിയും പാരിതോഷികങ്ങളും കാണാന്‍ വിജിലന്‍സിന് ആവുന്നില്ല. കാരണം അവരൊക്കെ മേടിക്കുന്നത് പത്തും ഇരുപതും രൂപയല്ല. ലക്ഷങ്ങളാണ്. തൊട്ടാല്‍ കൈപൊള്ളുമെന്ന് 'വിജിലന്‍സ് ദൈവ'ങ്ങള്‍ക്ക് അറിയാം.

കോടികള്‍ വെട്ടിച്ച് പ്രമുഖര്‍ മുങ്ങിയും മുങ്ങാതെയും വിലസി നടക്കുന്ന നാട്ടില്‍ വിജിലന്‍സിന്‍റെ കാര്യക്ഷമമായ പ്രവര്‍ത്തനം കൊണ്ട് വന്‍ അഴിമതി കണ്ടെത്തുകയും നടപടി സ്വീകരിക്കുകയും ചെയ്തത് വഴി സംസ്ഥാനത്തെ വലിയ അഴിമതിക്ക് സര്‍ക്കാര്‍ അന്ത്യം കുറിച്ച സംഭവം സമൂഹ മാധ്യമങ്ങള്‍ ആഘോഷിക്കുകയാണിപ്പോള്‍. 

നേര്‍രേഖ: ഏത് വകുപ്പിലായാലും അഴിമതി തുടച്ചു മാറ്റേണ്ടത് താഴെ നിന്നല്ല, മുകളില്‍ നിന്നു തന്നെ വെട്ടി തുടങ്ങണം.



Share this News Now:
  • Google+
Like(s): 480