Breaking News
കോട്ടയം ജില്ലയില്‍ വിദ്യാഭ്യാസ സ്ഥാപനങ്ങള്‍ക്ക് വെള്ളിയാഴ്ച ഭാഗിക അവധി... പെ​രു​മ്പാവൂരില്‍ കാ​റും ബ​സും കൂ​ട്ടി​യി​ടി​ച്ച് ആറ് പേ​ർ മ​രി​ച്ചു... കോട്ടയത്ത് വീട്ടിലേയ്ക്ക് നീന്തിപ്പോയ ഗൃഹനാഥൻ കുഴഞ്ഞുവീണ് മരിച്ചു... കോട്ടയം ജില്ലയില്‍ വിദ്യാഭ്യാസസ്ഥാപനങ്ങള്‍ക്ക് വ്യാഴാഴ്ച ഭാഗിക അവധി... പമ്പാ നദിയുടെ തീരത്തു താമസിക്കുന്നവര്‍ക്കും ശബരിമല തീര്‍ഥാടകര്‍ക്കും ജാഗ്രതാ നിര്‍ദ്ദേശം... മാതൃഭൂമി ചീഫ് റിപ്പോര്‍ട്ടര്‍ എന്‍.എസ് ബിജുരാജ് അന്തരിച്ചു... സംസ്ഥാനത്ത് ലോറി ഉടമകള്‍ ഈ മാസം 20 മുതല്‍ സമരത്തിലേക്ക്... കനത്ത മഴയെ തുടർന്ന് കോട്ടയം വഴിയുള്ള പത്ത് ട്രെയിനുകൾ ബുധനാഴ്ച റദ്ദാക്കി... കോട്ടയം ജില്ലയിലെ വിദ്യാഭ്യാസ സ്ഥാപനങ്ങൾക്ക് ബുധനാഴ്ച അവധി... എറണാകുളം, ആലപ്പുഴ ജില്ലകളില്‍ ഭാഗിക അവധി... കോട്ടയം റൂട്ടില്‍ ട്രയിന്‍ ഗതാഗതത്തിന് നിയന്ത്രണം... എം.സി.റോഡില്‍ പട്ടിത്താനത്ത് കാറുകള്‍ കൂട്ടിയിടിച്ച് 7 പേര്‍ക്ക് പരിക്ക്...

20 April, 2018 03:00:41 AM


തിരുവനന്തപുരത്ത് ആശുപത്രിയില്‍ നിന്ന് കാണാതായ ഗര്‍ഭിണിയെ കരുനാഗപള്ളിയിൽ കണ്ടെത്തി

സ്ത്രീ ഗര്‍ഭിണിയാണോ എന്ന കാര്യത്തില്‍ സംശയം





കൊല്ലം: തിരുവനന്തപുരം എസ്എടി ആശുപത്രിയില്‍ നിന്ന് കാണാതായ ഗര്‍ഭിണിയെ കൊല്ലത്തുനിന്ന് കണ്ടെത്തി. വര്‍ക്കല മടവൂര്‍ സ്വദേശിയായ ഷംനയെ കരുനാഗപ്പള്ളിയിലെ ടാക്‌സി ജീവനക്കാരാണ് തിരിച്ചറിഞ്ഞത്. ചൊവ്വാഴ്ച്ച രാവിലെയാണ് ഇവരെ കാണാതായത്. പ്രസവത്തിനായി ആശുപത്രിയിലെത്തിച്ച ഷംനയെ പരിശോധനകള്‍ക്കായി പോയ ശേഷം കാണാതാവുകയായിരുന്നു.


ആശുപത്രിയിലെ സിസിടിവി ദൃശ്യങ്ങള്‍ പരിശോധിച്ചപ്പോള്‍ യുവതി ആശുപത്രിയില്‍ നിന്നിറങ്ങിപ്പോയതായി കണ്ടു. മൊബൈല്‍ സിഗ്നല്‍ ട്രാക്ക് ചെയ്ത പോലീസ് ഷംന ആദ്യം എറണാകുളത്തും പിന്നീട് വെല്ലൂരിലുമുണ്ടെന്ന നിഗമനത്തിലെത്തിയിരുന്നു. പുറപ്പെട്ട് പോയ യുവതി ഇടയ്ക്ക് ഭര്‍ത്താവിനെ ഫോണില്‍ ബന്ധപ്പെട്ടിരുന്നെങ്കിലും ഒന്നും സംസാരിച്ചിരുന്നില്ല. ഒരു ബന്ധുവിനെ വിളിച്ച് താന്‍ സുരക്ഷിതയാണെന്ന് അറിയിക്കുകയും ചെയ്തിരുന്നു.

ഷംനയെ കാണാതായതിനെത്തുടര്‍ന്ന് മാധ്യമങ്ങളിലും മറ്റും വന്ന വാര്‍ത്തയും ചിത്രങ്ങളുമാണ് ഇവരെ തിരിച്ചറിയാന്‍ കരുനാഗപ്പള്ളിയിലെ ടാക്‌സി ജീവനക്കാരെ സഹായിച്ചത്. പോലീസെത്തി ഷംനയെ കൂട്ടിക്കൊണ്ട് പോയി. കണ്ടെത്തുമ്പോള്‍ യുവതി തീര്‍ത്തും അവശനിലയിലായിരുന്നു. കൂടെയാരുമുണ്ടായിരുന്നില്ലെന്നാണ് വിവരം. മെഡിക്കല്‍ പരിശോധന നടത്താനും മറ്റുമുള്ള തീരുമാനത്തിലാണ് പോലീസ്. ഇവര്‍ ഗര്‍ഭിണിയാണോ എന്ന കാര്യത്തില്‍ പോലീസ് സംശയം ഉന്നയിക്കുന്നുമുണ്ട്.



Share this News Now:
  • Google+
Like(s): 90