Breaking News
കോട്ടയം ജില്ലയില്‍ വിദ്യാഭ്യാസ സ്ഥാപനങ്ങള്‍ക്ക് വെള്ളിയാഴ്ച ഭാഗിക അവധി... പെ​രു​മ്പാവൂരില്‍ കാ​റും ബ​സും കൂ​ട്ടി​യി​ടി​ച്ച് ആറ് പേ​ർ മ​രി​ച്ചു... കോട്ടയത്ത് വീട്ടിലേയ്ക്ക് നീന്തിപ്പോയ ഗൃഹനാഥൻ കുഴഞ്ഞുവീണ് മരിച്ചു... കോട്ടയം ജില്ലയില്‍ വിദ്യാഭ്യാസസ്ഥാപനങ്ങള്‍ക്ക് വ്യാഴാഴ്ച ഭാഗിക അവധി... പമ്പാ നദിയുടെ തീരത്തു താമസിക്കുന്നവര്‍ക്കും ശബരിമല തീര്‍ഥാടകര്‍ക്കും ജാഗ്രതാ നിര്‍ദ്ദേശം... മാതൃഭൂമി ചീഫ് റിപ്പോര്‍ട്ടര്‍ എന്‍.എസ് ബിജുരാജ് അന്തരിച്ചു... സംസ്ഥാനത്ത് ലോറി ഉടമകള്‍ ഈ മാസം 20 മുതല്‍ സമരത്തിലേക്ക്... കനത്ത മഴയെ തുടർന്ന് കോട്ടയം വഴിയുള്ള പത്ത് ട്രെയിനുകൾ ബുധനാഴ്ച റദ്ദാക്കി... കോട്ടയം ജില്ലയിലെ വിദ്യാഭ്യാസ സ്ഥാപനങ്ങൾക്ക് ബുധനാഴ്ച അവധി... എറണാകുളം, ആലപ്പുഴ ജില്ലകളില്‍ ഭാഗിക അവധി... കോട്ടയം റൂട്ടില്‍ ട്രയിന്‍ ഗതാഗതത്തിന് നിയന്ത്രണം... എം.സി.റോഡില്‍ പട്ടിത്താനത്ത് കാറുകള്‍ കൂട്ടിയിടിച്ച് 7 പേര്‍ക്ക് പരിക്ക്...

26 April, 2018 10:55:26 AM


സ്‌കൂള്‍ ബസില്‍ ട്രെയിനിടിച്ചു 13 കുട്ടികള്‍ മരിച്ചു

ആളില്ലാ ലെവല്‍ ക്രോസ് മറികടക്കുന്നതിനിടെയാണ് അപകടം



ഉത്തര്‍പ്രദേശ്: ഉത്തര്‍പ്രദേശില്‍ ആളില്ലാത്ത ലെവല്‍ക്രോസ് മറികടക്കുന്നതിനിടയില്‍ ട്രെയിന്‍ സ്‌കൂള്‍ബസില്‍ ഇടിച്ചു 13 കുട്ടികള്‍ മരിച്ചു. എട്ടു വിദ്യാര്‍ത്ഥികള്‍ക്ക് ഗുരുതരമായി പരിക്കേറ്റിട്ടുണ്ട്. വ്യാഴാഴ്ച രാവിലെ ഗൊരഖ്പൂരില്‍ നിന്നും 50 കിലോമീറ്റര്‍ അകലെ കുശിനഗര്‍ നഗരത്തിന് സമീപം ദുധിയിലെ ലെവല്‍ക്രോസിലാണ് സംഭവം.

ഡിവൈന്‍ പബ്‌ളിക് സ്‌കോള്‍ വിദ്യാര്‍ത്ഥികളാണ് അപകടത്തില്‍ പെട്ടത്. പാളം മുറിച്ചു കടക്കുന്നതിനിടയില്‍ ബസില്‍ ട്രെയിന്‍ വന്നിടിക്കുകയായിരുന്നു. അപകടം നടക്കുമ്ബോള്‍ ബസില്‍ 18 വിദ്യാര്‍ത്ഥികള്‍ ഉണ്ടായിരുന്നു. മരിച്ച കുട്ടികളുടെ കുടുംബങ്ങള്‍ക്ക് രണ്ടുലക്ഷം നഷ്ടപരിഹാരം മുഖ്യമന്ത്രി യോഗി ആദിത്യനാഥ് പ്രഖ്യാപിച്ചിട്ടുണ്ട്. പരിക്കേറ്റ കുട്ടികളുടെ നില ഗുരുതരമാണെന്നും മരണസംഖ്യ ഉയര്‍ന്നേക്കാന്‍ സാധ്യതയുണ്ടെന്നും ഡിജിപി ഒപി സിംഗ് വ്യക്തമാക്കി.


അപകടത്തില്‍ യോഗി ആദിത്യനാഥും ഞെട്ടല്‍ രേഖപ്പെടുത്തി. മരണമടഞ്ഞ കുട്ടികള്‍ക്ക് അനുശോചനം രേഖപ്പെടുത്തി. എല്ലാവിധമുള്ള അടിയന്തിര വൈദ്യസഹായം നല്‍കാന്‍ ജില്ലാ ഭരണകൂടത്തോട് ആവശ്യപ്പെടുകയും ചെയ്തിട്ടുണ്ട്. ഈ മാസം തന്നെ സ്‌കൂള്‍ കുട്ടികളുമായി ബന്ധപ്പെട്ട രണ്ടാമത്തെ സംഭവമാണ് ഇത്. ഈ മാസം ആദ്യമായിരുന്നു 23 കുട്ടികളും നാലു മുതിര്‍ന്നവരും ഹിമാചലിലെ കാംഗ്ര ജില്ലയില്‍ സ്‌കൂള്‍ ബസ് നദിയിലേക്ക് വീണതിനെ തുടര്‍ന്ന് മരണമടഞ്ഞത്.



Share this News Now:
  • Google+
Like(s): 126