05 June, 2018 08:18:52 AM


സ്റ്റാ​ർ​ബ​ക്ക്സി​ന്‍റെ എ​ക്സി​ക്യൂ​ട്ടീ​വ് ചെ​യ​ർ​മാ​ൻ വാ​ർ​ഡ് ഷു​ൽ​റ്റ്സ് സ്ഥാ​ന​മൊ​ഴി​യു​ന്നു

ഷു​ൽ​റ്റ്സി​ന്‍റെ നീ​ക്കം 2020ലെ ​പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ൽ സ്ഥാ​നാ​ർ​ഥി​ത്വം ല​ക്ഷ്യ​മി​ട്ട്​




വാ​ഷിം​ഗ്ട​ൺ: അ​മേ​രി​ക്ക​ൻ കോ​ഫി ക​മ്പ​നി​യാ​യ സ്റ്റാ​ർ​ബ​ക്ക്സി​ന്‍റെ എ​ക്സി​ക്യൂ​ട്ടീ​വ് ചെ​യ​ർ​മാ​ൻ വാ​ർ​ഡ് ഷു​ൽ​റ്റ്സ് സ്ഥാ​ന​മൊ​ഴി​യു​ന്നു. മൂ​ന്നു പ​തി​റ്റാ​ണ്ടി​ലേ​റെ ക​മ്പ​നി​യി​ൽ പ്ര​വ​ർ​ത്തി​ച്ച ശേ​ഷ​മാ​ണ് സ്ഥാ​ന​മൊ​ഴി​യു​ന്ന​ത്. ഈ ​മാ​സം അ​വ​സാ​ന​ത്തോ​ടെ അ​ദ്ദേ​ഹം ക​മ്പ​നി വി​ടു​മെ​ന്ന് സ്റ്റാ​ർ​ബ​ക്ക്സ് പ്ര​സ്താ​വ​ന​യി​ല്‍ അ​റി​യി​ച്ചു. 

2020ലെ ​പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ൽ ഡെ​മോ​ക്രാ​റ്റി​ക് സ്ഥാ​നാ​ർ​ഥി​ത്വം ല​ക്ഷ്യ​മി​ട്ടാ​ണ് 64 വ​യ​സു​കാ​ര​നാ​യ ഷു​ൽ​റ്റ്സി​ന്‍റെ നീ​ക്ക​മെ​ന്നാ​ണ് റി​പ്പോ​ർ​ട്ട്. ക​ഴി​ഞ്ഞ​വ​ർ​ഷം ഏ​പ്രി​ലി​ൽ ചീ​ഫ് എ​ക്സി​ക്യൂ​ട്ടീ​വ് സ്ഥാ​നം അ​ദ്ദേ​ഹം കെ​വി​ൻ ജോ​ൺ​സ​ണ് കൈ​മാ​റി​യി​രു​ന്നു. പി​ന്നീ​ട് ക​മ്പ​നി​യു​ടെ എ​ക്സി​ക്യൂ​ട്ടീ​വ് ചെ​യ​ർ​മാ​നാ​യി തു​ട​രു​ക​യാ​യി​രു​ന്നു. 

1982ൽ ​സ്റ്റാ​ർ​ബ​ക്ക്സി​ന്‍റെ ഓ​പ്പ​റേ​ഷ​ൻ​സ് ആ​ൻ​ഡ് മാ​ർ​ക്ക​റ്റിം​ഗ് ഡ​യ​റ​ക്ട​റാ​യി പ്ര​വ​ർ​ത്തി​ച്ച് തു​ട​ങ്ങി​യ ഷു​ൽ​റ്റ്സ് ക​മ്പ​നി​യു​ടെ വ​ള​ർ​ച്ച​യി​ൽ നി​ർ​ണാ​യ​ക പ​ങ്ക് വ​ഹി​ച്ചു. ഇ​ന്ന് 77 രാ​ജ്യ​ങ്ങ​ളി​ലാ​യി 28,000ലേ​റെ ഔ​ട്ട് ലെ​റ്റു​ക​ൾ ക​മ്പ​നി​ക്കു​ണ്ട്. കോ​ള​ജ് വി​ദ്യാ​ർ​ഥി​ക​ളും ചെ​റു​പ്പ​ക്കാ​രും ഗ്രൂ​പ്പ് പ​ഠ​ന​ങ്ങ​ൾ​ക്കും ഒ​ത്തു ചേ​ര​ലി​നും സ്റ്റാ​ർ​ബ​ക്ക്സ് ഷോ​പ്പു​ക​ളെ ആ​ശ്ര​യി​ക്കു​ന്നു​ണ്ട്



Share this News Now:
  • Google+
Like(s): 62