Breaking News
കോട്ടയം ജില്ലയില്‍ വിദ്യാഭ്യാസ സ്ഥാപനങ്ങള്‍ക്ക് വെള്ളിയാഴ്ച ഭാഗിക അവധി... പെ​രു​മ്പാവൂരില്‍ കാ​റും ബ​സും കൂ​ട്ടി​യി​ടി​ച്ച് ആറ് പേ​ർ മ​രി​ച്ചു... കോട്ടയത്ത് വീട്ടിലേയ്ക്ക് നീന്തിപ്പോയ ഗൃഹനാഥൻ കുഴഞ്ഞുവീണ് മരിച്ചു... കോട്ടയം ജില്ലയില്‍ വിദ്യാഭ്യാസസ്ഥാപനങ്ങള്‍ക്ക് വ്യാഴാഴ്ച ഭാഗിക അവധി... പമ്പാ നദിയുടെ തീരത്തു താമസിക്കുന്നവര്‍ക്കും ശബരിമല തീര്‍ഥാടകര്‍ക്കും ജാഗ്രതാ നിര്‍ദ്ദേശം... മാതൃഭൂമി ചീഫ് റിപ്പോര്‍ട്ടര്‍ എന്‍.എസ് ബിജുരാജ് അന്തരിച്ചു... സംസ്ഥാനത്ത് ലോറി ഉടമകള്‍ ഈ മാസം 20 മുതല്‍ സമരത്തിലേക്ക്... കനത്ത മഴയെ തുടർന്ന് കോട്ടയം വഴിയുള്ള പത്ത് ട്രെയിനുകൾ ബുധനാഴ്ച റദ്ദാക്കി... കോട്ടയം ജില്ലയിലെ വിദ്യാഭ്യാസ സ്ഥാപനങ്ങൾക്ക് ബുധനാഴ്ച അവധി... എറണാകുളം, ആലപ്പുഴ ജില്ലകളില്‍ ഭാഗിക അവധി... കോട്ടയം റൂട്ടില്‍ ട്രയിന്‍ ഗതാഗതത്തിന് നിയന്ത്രണം... എം.സി.റോഡില്‍ പട്ടിത്താനത്ത് കാറുകള്‍ കൂട്ടിയിടിച്ച് 7 പേര്‍ക്ക് പരിക്ക്...

20 June, 2018 11:25:16 PM


എഞ്ചിനീയറിംഗ് പ്രവേശനം: അമല്‍ മാത്യുവിന് ഒന്നാം റാങ്ക്

ആദ്യ റാങ്കുകള്‍ തൂത്തുവാരി മാന്നാനം കെ.ഈ സ്കൂള്‍



കോട്ടയം : കേരളാ എഞ്ചിനീയറിംഗ് പ്രവേശനപരീക്ഷയില്‍ ആദ്യ മൂന്ന് റാങ്കും മാന്നാനം കെ.ഇ.ഇംഗ്ലീഷ് മീഡിയം സ്‌കൂളില്‍ നിന്നുള്ള വിദ്യാര്‍ത്ഥികള്‍ക്ക്.  കടുത്തുരുത്തി മുട്ടുചിറ പുല്ലന്‍കുന്നേല്‍ മാത്യു ജോസഫ് - ജാന്‍സി ദമ്പതികളുടെ മകനായ അമല്‍ മാത്യുവിനാണ് ഒന്നാം റാങ്ക്. കൊല്ലം പെരിനാട് ശ്രീശബരിയില്‍ മധു ഉണ്ണിത്താന്‍റെ മകന്‍ എം ശബരി കൃഷ്ണയ്ക്കാണ് രണ്ടാം റാങ്ക്. കോട്ടയം തെള്ളകം കല്ലുങ്കല്‍ ജോസ് കുര്യന്‍റെയും ഷൈല എബ്രഹാമിന്‍റെയും മകന്‍ ഡെനിന്‍ ജോസ് മൂന്നാം റാങ്ക് കരസ്ഥമാക്കിയപ്പോള്‍ ഇതേ സ്കൂളില്‍ നിന്നുള്ള ഋഷികേശ് അഞ്ചാം റാങ്ക് കരസ്ഥമാക്കി.


ഐ.ഐ.ടി പ്രവേശനത്തിന് ജെ.ഇ.ഇ. അഡ്വാന്‍സ്ഡ് പരീക്ഷയില്‍ അഖിലേന്ത്യാ തലത്തില്‍ എണ്‍പത്തിയഞ്ചാം റാങ്കും സംസ്ഥാനതലത്തില്‍ ഒന്നാം റാങ്കും അമല്‍ മാത്യു നേടിയിരുന്നു. ജോയിന്‍റ് എന്‍ട്രന്‍സ് പരീക്ഷയില്‍ (ജെഈഈ മെയിന്‍) 160ആം റാങ്ക് നേടിയ അമല്‍ മാത്യു കോട്ടയം ജില്ലയില്‍ നിന്നുള്ളവരില്‍ തന്നെ മുന്‍നിരയിലായിരുന്നു. കേരളാ എഞ്ചിനീയറിംഗ് പ്രവേശനപരീക്ഷയില്‍ ആദ്യ നൂറില്‍ പതിനൊന്നും അഞ്ഞൂറില്‍ മുപ്പതും റാങ്കുകള്‍ കെ.ഈ.സ്കൂളില്‍ പഠിച്ച വിദ്യാര്‍ത്ഥികള്‍ക്കാണ്.

അഖിലേന്ത്യാ മെഡിക്കല്‍ പ്രവേശനപരീക്ഷയില്‍ 103ആം റാങ്കും സംസ്ഥാനതലത്തില്‍ അഞ്ചാം റാങ്കും നേടിയ മെറിന്‍ മാത്യുവും എയിംസ് പ്രവേശനപരീക്ഷയില്‍ സംസ്ഥാനതലത്തില്‍ ഒന്നാം റാങ്ക് നേടിയ ജോഷ്വ എബ്രഹാം ഇസഹാക്കും കെ.ഈ സ്കൂളില്‍നിന്നുള്ള വിദ്യാര്‍ത്ഥികളാണ്.



Share this News Now:
  • Google+
Like(s): 80