Breaking News
ഇന്ന് അര്‍ദ്ധരാത്രി മുതല്‍ ആരംഭിക്കാനിരിക്കുന്ന അനിശ്ചിതകാല കെഎസ്‌ആര്‍ടിസി പണിമുടക്ക് മാറ്റില്ലെന്ന് സംയുക്ത സമരസമിതി തീരുമാനം. പണിമുടക്ക് തടഞ്ഞ ഹൈക്കോടതി വിധി പരിഗണിക്കുന്നില്ലെന്നാണ് യൂണിയന്‍ അറിയിച്ചിരിക്കുന്നത്... ബിഷപ്പിനെതിരെ സമരം ചെയ്ത കന്യാസ്ത്രീകള്‍ക്ക് കൂട്ട സ്ഥലമാറ്റം; പ്രതികാര നടപടിയെന്ന് കന്യാസ്ത്രീകള്‍... കെ​എ​സ്‌ആ​ര്‍​ടി​സി അ​നി​ശ്ചി​ത​കാ​ല പ​ണി​മു​ട​ക്ക് ഹൈ​ക്കോ​ട​തി ത​ട​ഞ്ഞു... ഭര്‍ത്താവിന്‍റെ അമ്മയെ മര്‍ദ്ദിച്ചെന്ന് ആരോപണം ; കനകദുര്‍ഗയ്‌ക്കെതിരെ കേസെടുത്തു... ശബരിമലയില്‍ ദര്‍ശനം നടത്താനെത്തിയ യുവതികള്‍ മടങ്ങി ; യുവതികളെ തടഞ്ഞത് ഗുണ്ടായിസമെന്ന് ദേവസ്വം മന്ത്രി... കൊല്ലം ബൈപ്പാസ് പ്രധാനമന്ത്രി നരേന്ദ്ര മോദി നാടിന് സമര്‍പ്പിച്ചു... അഡ്‌ലെയ്ഡ് ഏകദിനത്തില്‍ ഇന്ത്യയ്ക്ക് ആറ് വിക്കറ്റ് ജയം; കോഹ്ലിക്ക് സെ‍ഞ്ചുറി... ശബരിമലയിലെ നിരോധനാജ്ഞ നീട്ടില്ലെന്ന് ജില്ലാഭരണ കൂടവും പോലീസും തീരുമാനിച്ചു... ശബരിമലയിലെ സ്ത്രീ പ്രവേശന ഹര്‍ജികള്‍ 22 ന് പരിഗണിക്കില്ലെന്ന് സുപ്രീം കോടതി... ഏഷ്യന്‍ കപ്പില്‍ പ്രീ ക്വാര്‍ട്ടറിന്‍റെ അരികില്‍ നിന്ന് ഇന്ത്യ പുറത്ത്... കനകദുർഗയെ പെരിന്തൽമണ്ണയിലെ വീട്ടിലെത്തിയപ്പോൾ ഭർത്താവിന്‍റെ ബന്ധുക്കൾ മർദ്ദിച്ചതായി പരാതി... കൊല്ലം ബൈപ്പാസ് ഉദ്ഘാടനം ഇന്ന് പ്രധാനമന്ത്രി നിര്‍വ്വഹിക്കും... രാജ്യദ്രോഹ കേസ്; കനയ്യ കുമാറുള്‍പ്പടെ 10 പേര്‍ക്ക് എതിരെ കുറ്റപത്രം... പയ്യോളിയില്‍ സിപിഎം പ്രവര്‍ത്തകന്‍റെ വീടിനു നേരേ ബോംബെറിഞ്ഞ സംഭവം- ബിജെപി പ്രവര്‍ത്തകര്‍ കസ്റ്റഡിയില്‍... പൊങ്കല്‍ പ്രമാണിച്ച് ആറ് ജില്ലകള്‍ക്ക് നാളെ പ്രാദേശിക അവധി... അഗസ്ത്യാർകൂടത്തിലേക്കുളള സ്ത്രീ പ്രവേശനത്തിനെതിരെ കാണി വിഭാഗം രംഗത്ത്... അഗസ്ത്യാർകൂട യാത്രയ്ക്ക് ഇന്ന് തുടക്കം... മല കയറാന്‍ തയ്യാറായി ഒട്ടേറെ വനിതകളും... ഇന്ന് മകരവിളക്ക്; തിരുവാഭരണ ഘോഷയാത്ര വൈകിട്ട് അഞ്ചരയ്ക്ക് ശരംകുത്തിയിൽ എത്തും... വൈക്കം വടയാര്‍ പാലത്തില്‍ ലോറിയിടിച്ച് ബൈക്ക് യാത്രികരായ രണ്ട് യുവാക്കള്‍ മരിച്ചു... ഗാന്ധിയന്‍ കെ.പി.എ.റഹീം പ്രസംഗിക്കുന്നതിനിടെ കുഴഞ്ഞുവീണ് അന്തരിച്ചു... ദേവികുളം ഗ്യാപ്പ് റോഡരികിൽ റിസോര്‍ട്ട് ഉടമയും ജീവനക്കാരനും മരിച്ച നിലയില്‍... മാനേജര്‍ ഒളിവില്‍... രാമപുരത്തും പാലായിലും വാഹനാപകടങ്ങളില്‍ മൂന്ന് മരണം; പാലായിലെ അപകടം രാമപുരത്ത് നിന്ന് പോയ ആംബുലന്‍സ് ഇടിച്ച്... പഴന്തോട്ടം പള്ളി തർക്കത്തിന് താത്കാലിക പരിഹാരം; കാതോലിക്ക ബാവ ഉപവാസം അവസാനിപ്പിച്ചു... അലോക് വർമ്മയ്ക്കെതിരെ സിബിഐ അന്വേഷണത്തിന് ശുപാർശ... അതിരമ്പുഴ തിരുനാള്‍ 19ന് ആരംഭിക്കും; ഫെബ്രുവരി ഒന്നിന് എട്ടാമിടം...

28 June, 2018 06:44:23 PM


കെവിന്‍ വധം: ചാക്കോയുടെ ജാമ്യാപേക്ഷയില്‍ വിധി പറയുന്നത് നാളത്തേക്ക് മാറ്റി

മുങ്ങിമരണമാണെന്ന് സ്ഥിരീകരിക്കുന്ന രാസപരിശോധനാ ഫലം പുറത്ത് വന്നു




കോട്ടയം: കെവിന്‍ വധക്കേസില്‍ അഞ്ചാം പ്രതിയും നീനുവിന്‍റെ പിതാവുമായ ചാക്കോയുടെ ജാമ്യാപേക്ഷയില്‍ വിധി പറയുന്നത് നാളത്തേക്ക് മാറ്റി. ഇന്ന് ഹര്‍ജിയില്‍ വാദം കേട്ട ഏറ്റുമാനൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് പോലീസിനോട് കേസ് ഡയറി ഹാജരാക്കുവാന്‍ ആവശ്യപ്പെട്ടു. താന്‍ ഹൃദ്രോഗിയാണെന്നും എപ്പോള്‍ വേണമെങ്കിലും ഒരു ശസ്ത്രക്രീയയ്ക്ക് വിധേയനാകേണ്ടി വരുമെന്നും ചൂണ്ടികാട്ടിയാണ് ചാക്കോ ജാമ്യാപേക്ഷ ഫയല്‍ ചെയ്തത്.

ജാമ്യാപേക്ഷയില്‍ വാദം നടക്കുന്നതിനിടെ കേസില്‍ സിബിഐ അന്വേഷണം വേണമെന്ന് പ്രതിഭാഗം അഭിഭാഷകന്‍ അഡ്വ.വിനോദ്കുമാര്‍ വീണ്ടും ആവശ്യപ്പെട്ടു. സംഭവസമയത്തെല്ലാം വീട്ടിലായിരുന്ന ചാക്കോയെ ഗൂഡാലോചനക്കുറ്റം ചുമത്തിയാണ് പോലീസ് അറസ്റ്റുചെയ്തത്. കേസിന്‍റെ ബലത്തിനായി പോലീസ് വ്യാജ തെളിവുകള്‍ സൃഷ്ടിക്കുകയാണെന്നും സാക്ഷിസ്ഥാനത്തുള്ള കെവിന്‍റെ ബന്ധു അനീഷിനെ നുണപരിശോധനയ്ക്ക് ഹാജരാക്കണമെന്നും പ്രതിഭാഗം ആവശ്യപ്പെട്ടു. പ്രതികളായ പതിനാല് പേരും നുണപരിശോധനയ്ക്ക് തയ്യാറാണെന്നും അഭിഭാഷകന്‍ കോടതിയെ ധരിപ്പിച്ചു. കേസിലെ മറ്റ് പ്രതികളെ അടുത്ത തിങ്കളാഴ്ച വീണ്ടും  കോടതിയില്‍ ഹാജരാക്കും.

അതേസമയം, കെവിന്‍റേത് മുങ്ങിമരണമാണെന്ന പോസ്റ്റുമോര്‍ട്ടം റിപ്പോര്‍ട്ട് സ്ഥിരീകരിക്കുന്ന രാസപരിശോധനാ ഫലം പുറത്തുവന്നു. ചാലിയേക്കരയാറ്റിലെ വെള്ളം തന്നെയാണ് ശരീരത്തിലുണ്ടായിരുന്നതെന്ന് തിരുവനന്തപുരത്തെ ഫോറന്‍സിക് സയന്‍സ് ലാബില്‍ നടത്തിയ പരിശോധനയില്‍ വ്യക്തമായി.

മര്‍ദ്ദനമേറ്റ നിരവധി പാടുകള്‍ ഉണ്ടെങ്കിലും മരണകാരണമാം വിധം ആന്തരികാവയവങ്ങള്‍ക്ക് ക്ഷതമേറ്റിട്ടില്ല. എന്നാല്‍ പുരികത്തിന് മുകളില്‍ അടിയേറ്റ രണ്ട് പാടുകളുണ്ട്. രക്ത സാമ്പിളില്‍ മദ്യത്തിന്‍റെ അംശവും കണ്ടെത്തി. കെവിന്‍ വെള്ളം ചോദിച്ചപ്പോള്‍ അക്രമികള്‍ മദ്യം നല്‍കിയെന്ന ബന്ധുവിന്‍റെ മൊഴി ശരിവെക്കുന്നതാണ് പരിശോധനയില്‍ വ്യക്തമാകുന്നത്.

കെവിനെ മര്‍ദ്ദിച്ച്‌ അവശനാക്കിയശേഷം ഓടിച്ച്‌ പുഴയില്‍ വീഴ്ത്തിയെന്നാണ് പോലീസിന്‍റെ നിഗമനം. ഇതിന്‍റെ അടിസ്ഥാനത്തില്‍ പ്രതികള്‍ക്കെതിരെ കൊലപാതകക്കുറ്റം ചുമത്തി അന്വേഷണം മുന്നോട്ടുപോകുകയാണ്. പോലീസിന്‍റെ നിഗമനങ്ങളെ ശരിവെക്കുന്നതാണ് ഫോറന്‍സിക് പരിശോധനാഫലം.





Share this News Now:
  • Google+
Like(s): 198