Breaking News
കോട്ടയം ജില്ലയില്‍ വിദ്യാഭ്യാസ സ്ഥാപനങ്ങള്‍ക്ക് വെള്ളിയാഴ്ച ഭാഗിക അവധി... പെ​രു​മ്പാവൂരില്‍ കാ​റും ബ​സും കൂ​ട്ടി​യി​ടി​ച്ച് ആറ് പേ​ർ മ​രി​ച്ചു... കോട്ടയത്ത് വീട്ടിലേയ്ക്ക് നീന്തിപ്പോയ ഗൃഹനാഥൻ കുഴഞ്ഞുവീണ് മരിച്ചു... കോട്ടയം ജില്ലയില്‍ വിദ്യാഭ്യാസസ്ഥാപനങ്ങള്‍ക്ക് വ്യാഴാഴ്ച ഭാഗിക അവധി... പമ്പാ നദിയുടെ തീരത്തു താമസിക്കുന്നവര്‍ക്കും ശബരിമല തീര്‍ഥാടകര്‍ക്കും ജാഗ്രതാ നിര്‍ദ്ദേശം... മാതൃഭൂമി ചീഫ് റിപ്പോര്‍ട്ടര്‍ എന്‍.എസ് ബിജുരാജ് അന്തരിച്ചു... സംസ്ഥാനത്ത് ലോറി ഉടമകള്‍ ഈ മാസം 20 മുതല്‍ സമരത്തിലേക്ക്... കനത്ത മഴയെ തുടർന്ന് കോട്ടയം വഴിയുള്ള പത്ത് ട്രെയിനുകൾ ബുധനാഴ്ച റദ്ദാക്കി... കോട്ടയം ജില്ലയിലെ വിദ്യാഭ്യാസ സ്ഥാപനങ്ങൾക്ക് ബുധനാഴ്ച അവധി... എറണാകുളം, ആലപ്പുഴ ജില്ലകളില്‍ ഭാഗിക അവധി... കോട്ടയം റൂട്ടില്‍ ട്രയിന്‍ ഗതാഗതത്തിന് നിയന്ത്രണം... എം.സി.റോഡില്‍ പട്ടിത്താനത്ത് കാറുകള്‍ കൂട്ടിയിടിച്ച് 7 പേര്‍ക്ക് പരിക്ക്...

10 July, 2018 06:56:34 PM


അണക്കര - മുളങ്കാട് കള്ളനോട്ട്‌ കേസ്‌: ഒരാള്‍ കൂടി പിടിയില്‍

നോട്ടടിയന്ത്രം എത്തിച്ചവരില്‍ ഒരാളായ കുര്യാക്കോസാണ് പിടിയിലായത്



കട്ടപ്പന: അണക്കരയില്‍ നിന്നു 2.19 ലക്ഷത്തിന്റെയും മുളങ്കാട്ടെ സീരിയല്‍ നടിയുടെ വീട്ടില്‍ നിന്നു 57 ലക്ഷത്തിന്റെയും കള്ളനോട്ട്‌ പിടികൂടിയ കേസില്‍ ഒരാള്‍ കൂടി പിടിയിലായി. കല്‍ത്തൊട്ടി മുണ്ടയ്‌ക്കല്‍ പടവില്‍ കുര്യാക്കോസ്‌ ചാക്കോ (പാപ്പച്ചന്‍-59)യെയാണ്‌ കട്ടപ്പന സി.ഐ വി.എസ്‌.അനില്‍കുമാറിന്റെ നേതൃത്വത്തിലുള്ള അന്വേഷണ സംഘം അറസ്‌റ്റു ചെയ്‌തത്‌. ഇതോടെ കേസില്‍ പിടിയിലായവരുടെ എണ്ണം ഒന്‍പതായി.

അണക്കരയില്‍ കള്ളനോട്ടുമായി പിടിയിലായ ലിയോയ്‌ക്ക്‌ നോട്ടടിയന്ത്രം എത്തിച്ച്‌ നല്‍കിയത്‌ കുര്യാക്കോസും ചേര്‍ന്നാണെന്ന്‌ കണ്ടെത്തിയിരുന്നു. ഇയാള്‍ മുമ്പും കള്ളനോട്ടടിച്ചിരുന്നതായി വിവരം ലഭിച്ചിട്ടുണ്ട്‌. കേസിലെ പ്രധാന പ്രതികള്‍ പിടിയിലായതറിഞ്ഞ്‌ കര്‍ണാടകയില്‍ ഒളിവില്‍ പോയ ഇയാള്‍ ഇന്നലെ തിരികെ വീട്ടിലെത്തിയപ്പോള്‍ അന്വേഷണ സംഘം പിടികൂടുകയായിരുന്നു.

മുരിക്കാശേരി വാത്തിക്കുടി വെള്ളുകുന്നേല്‍ ലിയോ ജോര്‍ജ്‌ (സാം-44), ബി.എസ്‌.എഫ്‌ മുന്‍ ജവാന്‍ കരുനാഗപ്പള്ളി അത്തിനാട്‌ അമ്പാടിയില്‍ കൃഷ്‌ണകുമാര്‍ (46), പുറ്റടി അച്ചന്‍കാനം കടിയന്‍കുന്നേല്‍ രവീന്ദ്രന്‍ (58) എന്നിവരെ കഴിഞ്ഞ രണ്ടിന്‌ അണക്കരയില്‍ പിടികൂടിയിരുന്നു.

ഇവരില്‍ നിന്നു ലഭിച്ച വിവരങ്ങളുടെ അടിസ്‌ഥാനത്തിലാണ്‌ സീരിയല്‍ നടി സൂര്യ ശശികുമാര്‍ (36), മാതാവ്‌ കൊല്ലം തിരുമുല്ലാവാരം മുളങ്കാട്‌ ഉഷസ്‌ വീട്ടില്‍ രമാദേവി (ഉഷ-56), സഹോദരി ശ്രുതി (29) എന്നിവരെ മൂന്നിന്‌ അറസ്‌റ്റ്‌ ചെയ്‌ത്‌. ഇവരുടെ മുളങ്കാട്ടെ വീട്ടില്‍ നിന്നു കള്ളനോട്ടടി യന്ത്രവും പ്രിന്റര്‍, പേപ്പര്‍, ഇസ്‌തിരിപ്പെട്ടി ഉള്‍പ്പെടെയുള്ള സാമഗ്രികളും അച്ചടച്ച 57 ലക്ഷത്തിന്റെ കള്ളനോട്ടും അന്വേഷണ സംഘം പിടിച്ചെടുത്തിരുന്നു



Share this News Now:
  • Google+
Like(s): 37