Breaking News
കോട്ടയം ജില്ലയില്‍ വിദ്യാഭ്യാസ സ്ഥാപനങ്ങള്‍ക്ക് വെള്ളിയാഴ്ച ഭാഗിക അവധി... പെ​രു​മ്പാവൂരില്‍ കാ​റും ബ​സും കൂ​ട്ടി​യി​ടി​ച്ച് ആറ് പേ​ർ മ​രി​ച്ചു... കോട്ടയത്ത് വീട്ടിലേയ്ക്ക് നീന്തിപ്പോയ ഗൃഹനാഥൻ കുഴഞ്ഞുവീണ് മരിച്ചു... കോട്ടയം ജില്ലയില്‍ വിദ്യാഭ്യാസസ്ഥാപനങ്ങള്‍ക്ക് വ്യാഴാഴ്ച ഭാഗിക അവധി... പമ്പാ നദിയുടെ തീരത്തു താമസിക്കുന്നവര്‍ക്കും ശബരിമല തീര്‍ഥാടകര്‍ക്കും ജാഗ്രതാ നിര്‍ദ്ദേശം... മാതൃഭൂമി ചീഫ് റിപ്പോര്‍ട്ടര്‍ എന്‍.എസ് ബിജുരാജ് അന്തരിച്ചു... സംസ്ഥാനത്ത് ലോറി ഉടമകള്‍ ഈ മാസം 20 മുതല്‍ സമരത്തിലേക്ക്... കനത്ത മഴയെ തുടർന്ന് കോട്ടയം വഴിയുള്ള പത്ത് ട്രെയിനുകൾ ബുധനാഴ്ച റദ്ദാക്കി... കോട്ടയം ജില്ലയിലെ വിദ്യാഭ്യാസ സ്ഥാപനങ്ങൾക്ക് ബുധനാഴ്ച അവധി... എറണാകുളം, ആലപ്പുഴ ജില്ലകളില്‍ ഭാഗിക അവധി... കോട്ടയം റൂട്ടില്‍ ട്രയിന്‍ ഗതാഗതത്തിന് നിയന്ത്രണം... എം.സി.റോഡില്‍ പട്ടിത്താനത്ത് കാറുകള്‍ കൂട്ടിയിടിച്ച് 7 പേര്‍ക്ക് പരിക്ക്...

11 July, 2018 09:18:12 AM


മന്ത്രി പദവി: മാത്യു ടി. തോമസിനെതിരേ ജെഡിഎസില്‍ പടയൊരുക്കം

കൃഷ്ണന്‍കുട്ടി വിഭാഗം സംസ്ഥാന കൗൺസിലിൽ മന്ത്രിയെ മാറ്റാന്‍ ആവശ്യപ്പെടും



തിരുവനന്തപുരം: മന്ത്രി മാത്യു ടി തോമസിനെതിരെ ജെഡിഎസിൽ പടയൊരുക്കം രൂക്ഷമാവുന്നു. വെള്ളിയാഴ്ച ചേരുന്ന സംസ്ഥാന കൗൺസിലിൽ മന്ത്രിയെ മാറ്റണം എന്നതടക്കമുള്ള ആവശ്യങ്ങൾ ഉന്നയിക്കാനാണ് കെ.കൃഷ്ണൻകുട്ടി വിഭാഗത്തിന്‍റെ നീക്കം. മാത്യു ടി തോമസ്സും കെ.കൃഷ്ണൻകുട്ടിയും തമ്മിലെ പോരിൽ ഇതുവരെ നിഷ്പക്ഷനായിരുന്ന മൂന്നാമത്തെ എംഎൽഎ.യായ സികെ നാണു, കൃഷ്ണൻകുട്ടിക്കൊപ്പം നിലയുറപ്പിച്ചു. പാർട്ടിയുടെ മന്ത്രിയെ ചൊല്ലി സത്യപ്രതിജ്ഞാ സമയത്ത് ത‍ർക്കങ്ങളുണ്ടായിരുന്നു.

മന്ത്രിസ്ഥാനം വച്ചുമാറാൻ ദേശീയ നേതൃത്വം ഇടപെട്ട് ധാരണ ഉണ്ടാക്കിയിരുന്നുവെന്നാണ് കൃഷ്ണൻകുട്ടി വിഭാഗം പറയുന്നത്. ആദ്യത്തെ രണ്ട് വർഷം മാത്യു ടി തോമസും അവസാന മൂന്ന് വർഷം കൃഷ്ണൻകുട്ടിയും എന്നതായിരുന്നു ധാരണ. വച്ചുമാറൽ ഓ‌ർമ്മിപ്പിക്കുന്നതിനൊപ്പം മന്ത്രിയുടെ പ്രവർത്തനം പോരെന്ന പരാതിയും ഇവർക്കുണ്ട്. അതേസമയം മന്ത്രിസ്ഥാനം വച്ചുമാറുന്നതിനെക്കുറിച്ച് ഒരു ധാരണയും ഇല്ലെന്നാണ് മാത്യു ടി തോമസിനെ അനുകൂലിക്കുന്നവരുടെ വിശദീകരണം. 

യോഗത്തിൽ എന്തൊക്ക ചർച്ച ചെയ്യുമെന്ന് ഇപ്പോൾ പറയാനാകില്ലെന്ന് കെ.കൃഷ്ണൻകുട്ടി ഏഷ്യാനെറ്റ് ന്യൂസിനോട് പറഞ്ഞു. തർക്കത്തിൽ ദേശീയ നേതൃത്വത്തിൻറെ നിലപാട് പ്രധാനമാണ്. ദേശീയ ജനറൽ സെക്രട്ടറി ഡാനിഷ് അലി കൊച്ചിയിൽ ചേരുന്ന സംസ്ഥാന കൗൺസിലിലും സംസ്ഥാന കമ്മറ്റിയിലും പങ്കെടുക്കും. മന്ത്രിസ്ഥാനം പാർട്ടിക്കാര്യമെങ്കിലും മുഖ്യമന്ത്രിക്കും സിപിഎമ്മിനും ഇപ്പോഴും കൂടുതൽ താല്പര്യം മാത്യു ടി തോമസിനോടാണ്. 



Share this News Now:
  • Google+
Like(s): 55