11 July, 2018 04:52:35 PM


ക്യാന്‍സര്‍ ബോധവത്ക്കരണം: വിദ്യാര്‍ത്ഥികള്‍ക്കായി ആല്‍ബം തയ്യാറാക്കല്‍ മത്സരം

രജിസ്ട്രേഷന്‍ 20നകം; ആല്‍ബം സമര്‍പ്പിക്കേണ്ട അവസാന തീയതി സെപ്റ്റംബര്‍ 15




കോട്ടയം: ക്യാന്‍സര്‍ ബോധവത്ക്കരണത്തിന്റെ ഭാഗമായി യു.പി, ഹൈസ്‌ക്കൂള്‍, ഹയര്‍ സെക്കണ്ടറി സ്‌കൂള്‍ കുട്ടികള്‍ക്കായി ആരോഗ്യവകുപ്പും മാങ്ങാനം ജ്യോതിസ് ചാരിറ്റബിള്‍ സൊസൈറ്റിയും സംയുക്തമായി ആല്‍ബം തയ്യാറാക്കല്‍ മത്സരം സംഘടിപ്പിക്കുന്നു. ക്യാന്‍സര്‍ എന്ത്, എത്രതരം, എങ്ങനെ തടയാം, പരിഹാരമെന്ത് എന്നീ വിഷയങ്ങളെ ആസ്പദമാക്കി കുട്ടികള്‍ തയ്യാറാക്കുന്ന എഴുത്ത്, വര, വെട്ടി ഒട്ടിക്കല്‍ തുടങ്ങിയ സൃഷ്ടികളടങ്ങിയ ആല്‍ബം ഒരു സ്‌കൂളിനോ ഒരു ക്ലാസിനോ മാത്രമായോ തയ്യാറാക്കാവുന്നതാണ്. എ4 വലിപ്പമുളള 50 മുതല്‍ 60 വരെ പേജുകളായി തയ്യാറാക്കാവുന്നതാണ്. ജൂലൈ 20നകം 8129709754, 9745174257 എന്നീ നമ്പറുകളില്‍ വിളിച്ച് രജിസ്റ്റര്‍ ചെയ്യാം. തയ്യാറാക്കിയ ആല്‍ബം സെപ്റ്റംബര്‍ 15നകം നല്‍കണം. വിജയികള്‍ക്ക് ഒന്നാം സമ്മാനം 5000 രൂപ, രണ്ടാം സമ്മാനം 3000 രൂപ, മൂന്നാം സമ്മാനം 2000 രൂപ ക്യാഷ് അവാര്‍ഡ് നല്‍കും. 



Share this News Now:
  • Google+
Like(s): 161