Breaking News
കോട്ടയം വഴിയുള്ള പല ട്രയിനുകളും നാളെ മുതല്‍ ആലപ്പുഴ വഴി; ഒട്ടേറെ ട്രയിനുകള്‍ റദ്ദ് ചേയ്തു... പത്തനംതിട്ട ഇലവുങ്കലിൽ ശബരിമല തീർത്ഥാടകർ സഞ്ചരിച്ച ബസ് മറിഞ്ഞ് 25 പേര്‍ക്ക് പരിക്ക്... പിറവം കേസില്‍ നിന്നും ഹൈക്കോടതി ജഡ്ജിമാര്‍ പിന്മാറി... രാജസ്ഥാനില്‍ അശോക് ഗെഹ്ലോട്ട് മുഖ്യമന്ത്രിയായേക്കും... മിസോറാമില്‍ മിസോ നാഷണല്‍ ഫ്രണ്ട് അധികാരത്തിലേക്ക്... എൻ.എസ്. വിശ്വനാഥൻ റിസർവ് ബാങ്ക് താൽകാലിക ഗവർണറായി ചുമതലയേറ്റേക്കും... ഛത്തീസ്ഗഢിൽ കോൺഗ്രസ് അധികാരത്തിലേക്ക്... എസ്ബിഐ വായ്പ പലിശ നിരക്കുകള്‍ വര്‍ദ്ധിപ്പിച്ചു... സെക്രട്ടേറിയറ്റ് മാര്‍ച്ചില്‍ അക്രമം; ചൊവ്വാഴ്ച തിരുവനന്തപുരത്ത് ബിജെപി ഹര്‍‍ത്താല്‍...

18 July, 2018 09:38:06 PM


മറ്റൊരു കെവിനാക്കരുത്; ജീവിക്കാന്‍ അനുവദിക്കണമെന്ന് നവദമ്പതികള്‍

മിശ്രവിവാഹത്തിന്‍റെ പേരില്‍ പെണ്‍കുട്ടിയുടെ ബന്ധുക്കളുടെ വധഭീഷണി



തിരുവനന്തപുരം: ഇഷ്ടപ്പെട്ട് പരസ്പരം വിവാഹം കഴിച്ചതിന് വധഭീഷണി നേരിടുന്നുവെന്ന് നവദമ്പതികള്‍. പ്രേമിച്ച പെണ്ണിനെ വിവാഹം കഴിച്ചതിന് താനും നാളെ കെവിനെ പോലെ കൊല്ലപ്പെട്ടേക്കാമെന്ന് യുവാവ് ഫേസ്ബുക്കില്‍ പോസ്റ്റ് ചെയ്ത വീഡിയോയില്‍ പറയുന്നു. തനിക്ക് ഭര്‍ത്താവിനൊപ്പം ജീവിക്കണമെന്നും ജാതിയും മതവും നോക്കിയല്ല പ്രണയിച്ചതെന്നും മതം മാറാന്‍ തങ്ങള്‍ പരസ്പരം നിര്‍ബന്ധിക്കുന്നില്ലെന്നും പെണ്‍കുട്ടിയും വീഡിയോയിലൂടെ പറയുന്നുണ്ട്.


മിശ്രവിവാഹം ചെയ്തതിന്‍റെ പേരില്‍ പെണ്‍കുട്ടിയുടെ ബന്ധുക്കളും എസ്‍ഡിപിഐ പ്രവര്‍ത്തകരുമാണ് തന്നെയും രക്ഷിതാക്കളെയും സഹോദരിയെയും കൊല്ലുമെന്ന് ഭീഷണിപ്പെടുത്തിയിരിക്കുന്നതെന്ന് ഹാരിസണ്‍ വ്യക്തമാക്കുന്നു. അതേസമയം, സംഭവം ശ്രദ്ധയില്‍പ്പെട്ടതായും ആറ്റിങ്ങല്‍ പൊലീസ് വേണ്ട നടപടികള്‍ സ്വീകരിക്കുമെന്നും കേരള പൊലീസ് അറിയിച്ചു. ഹാരിസണ്‍ ഹാരിസ് ആറ്റിങ്ങല്‍ എന്ന ഫേസ് ബുക്ക് പേജിലെ പോസ്റ്റ് ചുവടെ.


'ആരെയും വേദനിപ്പിക്കാനോ ചതിക്കാനോ വേണ്ടിയായിരുന്നില്ല. ജീവനേക്കാൾ ഏറെ സ്നേഹിച്ചുപോയി അതുകൊണ്ടാ മറ്റാർക്കും വിട്ടുകൊണ്ടുകാതെ ഇങ്ങനെ നെഞ്ചോടു ചേർത്ത് നിർത്തിയത്'... 'ഞാൻ പ്രേമിച്ചതു ഇവളുടെ മതമോ ജാതിയോ നോക്കി അല്ല അതാണ് ചിലർ എന്നിൽ കാണുന്ന തെറ്റ്. ഞാൻ ഏതു നിമിഷം വേണം എങ്കിലും കൊല്ല പെട്ടെക്കാം. Sdpi യും അവളുടെ വിട്ടുകാരിൽ ചിലരു എന്നെ കൊല്ലാൻ പരക്കം പായുകയാണ്. പ്രേമിച്ച പെണ്ണിനെ കെട്ടി പോയതിനു. നാളെ കെവിനെ പോലെ ഞാനും ഒരു പോസ്റ്റ്‌റിൽ ഒതുങ്ങും..'



Share this News Now:
  • Google+
Like(s): 262