Breaking News
ഇന്ന് അര്‍ദ്ധരാത്രി മുതല്‍ ആരംഭിക്കാനിരിക്കുന്ന അനിശ്ചിതകാല കെഎസ്‌ആര്‍ടിസി പണിമുടക്ക് മാറ്റില്ലെന്ന് സംയുക്ത സമരസമിതി തീരുമാനം. പണിമുടക്ക് തടഞ്ഞ ഹൈക്കോടതി വിധി പരിഗണിക്കുന്നില്ലെന്നാണ് യൂണിയന്‍ അറിയിച്ചിരിക്കുന്നത്... ബിഷപ്പിനെതിരെ സമരം ചെയ്ത കന്യാസ്ത്രീകള്‍ക്ക് കൂട്ട സ്ഥലമാറ്റം; പ്രതികാര നടപടിയെന്ന് കന്യാസ്ത്രീകള്‍... കെ​എ​സ്‌ആ​ര്‍​ടി​സി അ​നി​ശ്ചി​ത​കാ​ല പ​ണി​മു​ട​ക്ക് ഹൈ​ക്കോ​ട​തി ത​ട​ഞ്ഞു... ഭര്‍ത്താവിന്‍റെ അമ്മയെ മര്‍ദ്ദിച്ചെന്ന് ആരോപണം ; കനകദുര്‍ഗയ്‌ക്കെതിരെ കേസെടുത്തു... ശബരിമലയില്‍ ദര്‍ശനം നടത്താനെത്തിയ യുവതികള്‍ മടങ്ങി ; യുവതികളെ തടഞ്ഞത് ഗുണ്ടായിസമെന്ന് ദേവസ്വം മന്ത്രി... കൊല്ലം ബൈപ്പാസ് പ്രധാനമന്ത്രി നരേന്ദ്ര മോദി നാടിന് സമര്‍പ്പിച്ചു... അഡ്‌ലെയ്ഡ് ഏകദിനത്തില്‍ ഇന്ത്യയ്ക്ക് ആറ് വിക്കറ്റ് ജയം; കോഹ്ലിക്ക് സെ‍ഞ്ചുറി... ശബരിമലയിലെ നിരോധനാജ്ഞ നീട്ടില്ലെന്ന് ജില്ലാഭരണ കൂടവും പോലീസും തീരുമാനിച്ചു... ശബരിമലയിലെ സ്ത്രീ പ്രവേശന ഹര്‍ജികള്‍ 22 ന് പരിഗണിക്കില്ലെന്ന് സുപ്രീം കോടതി... ഏഷ്യന്‍ കപ്പില്‍ പ്രീ ക്വാര്‍ട്ടറിന്‍റെ അരികില്‍ നിന്ന് ഇന്ത്യ പുറത്ത്... കനകദുർഗയെ പെരിന്തൽമണ്ണയിലെ വീട്ടിലെത്തിയപ്പോൾ ഭർത്താവിന്‍റെ ബന്ധുക്കൾ മർദ്ദിച്ചതായി പരാതി... കൊല്ലം ബൈപ്പാസ് ഉദ്ഘാടനം ഇന്ന് പ്രധാനമന്ത്രി നിര്‍വ്വഹിക്കും... രാജ്യദ്രോഹ കേസ്; കനയ്യ കുമാറുള്‍പ്പടെ 10 പേര്‍ക്ക് എതിരെ കുറ്റപത്രം... പയ്യോളിയില്‍ സിപിഎം പ്രവര്‍ത്തകന്‍റെ വീടിനു നേരേ ബോംബെറിഞ്ഞ സംഭവം- ബിജെപി പ്രവര്‍ത്തകര്‍ കസ്റ്റഡിയില്‍... പൊങ്കല്‍ പ്രമാണിച്ച് ആറ് ജില്ലകള്‍ക്ക് നാളെ പ്രാദേശിക അവധി... അഗസ്ത്യാർകൂടത്തിലേക്കുളള സ്ത്രീ പ്രവേശനത്തിനെതിരെ കാണി വിഭാഗം രംഗത്ത്... അഗസ്ത്യാർകൂട യാത്രയ്ക്ക് ഇന്ന് തുടക്കം... മല കയറാന്‍ തയ്യാറായി ഒട്ടേറെ വനിതകളും... ഇന്ന് മകരവിളക്ക്; തിരുവാഭരണ ഘോഷയാത്ര വൈകിട്ട് അഞ്ചരയ്ക്ക് ശരംകുത്തിയിൽ എത്തും... വൈക്കം വടയാര്‍ പാലത്തില്‍ ലോറിയിടിച്ച് ബൈക്ക് യാത്രികരായ രണ്ട് യുവാക്കള്‍ മരിച്ചു... ഗാന്ധിയന്‍ കെ.പി.എ.റഹീം പ്രസംഗിക്കുന്നതിനിടെ കുഴഞ്ഞുവീണ് അന്തരിച്ചു... ദേവികുളം ഗ്യാപ്പ് റോഡരികിൽ റിസോര്‍ട്ട് ഉടമയും ജീവനക്കാരനും മരിച്ച നിലയില്‍... മാനേജര്‍ ഒളിവില്‍... രാമപുരത്തും പാലായിലും വാഹനാപകടങ്ങളില്‍ മൂന്ന് മരണം; പാലായിലെ അപകടം രാമപുരത്ത് നിന്ന് പോയ ആംബുലന്‍സ് ഇടിച്ച്... പഴന്തോട്ടം പള്ളി തർക്കത്തിന് താത്കാലിക പരിഹാരം; കാതോലിക്ക ബാവ ഉപവാസം അവസാനിപ്പിച്ചു... അലോക് വർമ്മയ്ക്കെതിരെ സിബിഐ അന്വേഷണത്തിന് ശുപാർശ... അതിരമ്പുഴ തിരുനാള്‍ 19ന് ആരംഭിക്കും; ഫെബ്രുവരി ഒന്നിന് എട്ടാമിടം...

20 July, 2018 11:13:18 AM


ഡബിൾ ഹോഴ്സിന്‍റെ 'മട്ട പൊടിയരി'യില്‍ മായം; അരിയ്ക്ക് നിറം കൂട്ടാന്‍ അധിക തവിട് പൂശിയെന്ന് കണ്ടെത്തല്‍

അരി വിപണയിൽ നിന്ന് പിന്‍വലിക്കാൻ കമ്മിഷണര്‍ നി‍ർദേശം നല്‍കി



തിരുവനന്തപുരം: ഡബിൾ ഹോഴ്സിന്‍റെ 'മട്ട പൊടിയരി' മായം ചേര്‍ത്ത അരിയാണെന്ന് ഭക്ഷ്യ സുരക്ഷ വകുപ്പിന്‍റെ കണ്ടെത്തല്‍. അരിയുടെ ഒരു ബാച്ച് പരിശോധനയ്ക്ക് വിധേയമാക്കിയപ്പോഴാണ് കഴുകുമ്പോള്‍ തന്നെ ബ്രൗണ്‍ നിറം ഇളകി പോകുന്നതായി കാണാനായത്. 15343 എന്ന സാമ്പിള്‍ നമ്പരില്‍ പരിശോധിച്ച അരിയാണ് ഗുണനിലവാരമില്ലാത്തതും അമിത അളവില്‍ തവിട് കൂടുതലായി കലര്‍ത്തിയതായും സ്ഥിരീകരിച്ചത്. അരി കഴുകിയപ്പോള്‍ തവിട്ട് നിറം മാറി തൂവെള്ള നിറമായി മാറുന്ന വീഡിയോ നേരത്തെ ഒരു വീട്ടമ്മ സമൂഹമാധ്യമങ്ങളില്‍ പ്രചരിപ്പിച്ചത് വൈറലായതിന് പിന്നാലെയാണ് ഭക്ഷ്യസുരക്ഷാവകുപ്പിന്‍റെ കണ്ടെത്തല്‍.


തിരുവനന്തപുരം സര്‍ക്കാര്‍ അനലിസ്റ്റ്സ് ലബോറട്ടറിയില്‍ ജൂലൈ പതിനെട്ടിന് അരി പരിശോധിച്ചതിന്‍റെ റിപ്പോര്‍ട്ട് കഴിഞ്ഞ ദിവസം ഭക്ഷ്യ സുരക്ഷാ കമ്മിഷണർക്ക് കൈമാറി. കമ്പനി 'മട്ട പൊടിയരി' എന്ന പേരില്‍ വിപണിയിലെത്തിക്കുന്നത് യഥാര്‍ത്ഥ പൊടിയരിയല്ലെന്നും, ആദ്യകഴുകലിന് തന്നെ കളര്‍ പൂര്‍ണ്ണമായി മാറുന്നത് അധികമായി തവിട് പൂശിയതിനാലാണെന്നും തെളിഞ്ഞതായാണ് പരിശോധനാഫലം. ഇതനുസരിച്ച് പരിശോധനയ്ക്ക് വിധേയമാക്കിയ ബാച്ച് അരി വിപണയിൽ നിന്ന് പിന്‍വലിക്കാൻ കമ്മിഷണര്‍ നി‍ർദേശം നല്‍കി. 


അതേസമയം ലാബ് പരിശോധന റിപ്പോര്‍ട്ട് അനുസരിച്ച് അരിയില്‍ ഒരു തരത്തിലുമുള്ള മായം ചേർ‍ന്നിട്ടില്ലെന്നാണ് ഡബിൾ ഹോഴ്സിന്‍റെ വിശദീകരണം. കഴിഞ്ഞ 13ന് എറണാകുളം അനലിസ്റ്റ്സ് ലബോറട്ടറിയില്‍ പരിശോധിച്ചതിന്‍റെ റിപ്പോര്‍ട്ട് ചൂണ്ടികാട്ടിയായിരുന്നു കമ്പനിയുടെ വാദം. നെല്ല് കുത്തി അരിയാക്കുന്ന പ്രക്രിയയില്‍ പൊടിയരിയ്ക്ക് പ്രത്യേകം പരിഗണന നല്‍കുന്നുണ്ടെന്നും രോഗികള്‍ കൂടുതല്‍ ഉപയോഗിക്കുന്നതിനാല്‍ പെട്ടെന്ന് വേവുന്നതിനും ദഹനത്തിനും വേണ്ടി  ആവി കുറച്ചുകൊടുക്കുന്നതിനാലാണ് ഇങ്ങനെ സംഭവിക്കുന്നതെന്നുമാണ് കമ്പനിയുടെ വക്താവ് പറയുന്നത്. 



Share this News Now:
  • Google+
Like(s): 466