13 October, 2018 03:46:39 PM


അടുത്ത മാസം ശബരിമലയില്‍ ദര്‍ശനത്തിനെത്തുമെന്ന് തൃപ്തി ദേശായി

സുപ്രീം കോടതി നൽകിയ അവകാശമാണ് ശബരിമല പ്രവേശനം



തിരുവനന്തപുരം: ശബരിമലയിൽ ദർശനം നടത്താൻ അടുത്ത മാസം എത്തുമെന്ന് തൃപ്തി ദേശായി വ്യക്തമാക്കി. സുപ്രീം കോടതി നൽകിയ അവകാശമാണ് ശബരിമല പ്രവേശനം. ഒപ്പം ദർശനം നടത്താനും സ്ത്രീകൾ ഉണ്ടാകുമെന്നും  അവര്‍ പറഞ്ഞു. സ്ത്രീകള്‍ക്ക് അവരുടെ അവകാശങ്ങള്‍ ലഭിച്ചു. അയ്യപ്പഭക്തരുടെ അഭിപ്രായം കൂടെ കേട്ട ശേഷമാണ് കോടതി വിധി. ഇതിന് ശേഷവും സമരം ചെയ്യുന്നത് കോടതിയലക്ഷ്യമാണെന്നും തൃപ്തി ദേശായി പറഞ്ഞു.


കേരളത്തില്‍ ഇപ്പോള്‍ സുപ്രീം കോടതി വിധിക്കതിരെ നടക്കുന്ന പ്രതിഷേധങ്ങള്‍ അനാവശ്യമാണ്. ഇത് ഭരണഘടനാ വിരുദ്ധവും സ്ത്രീകളുടെ മൗലികാവകാശങ്ങള്‍ക്ക് എതിരുമാണ്. ഇത്തരം സമരങ്ങള്‍ എന്ത് കൊണ്ട് നടത്തുന്നു എന്ന് കോണ്‍ഗ്രസും ബി.ജെ.പിയും വ്യക്തമാക്കണം. ശബരിമലയില്‍ എത്തുന്ന സ്ത്രീകളെ സ്വാഗതം ചെയ്യുകയാണ് എല്ലാവരും ചെയ്യേണ്ടത്. തൃപ്തി ദേശായി പറഞ്ഞു.



Share this News Now:
  • Google+
Like(s): 66