Breaking News
അപ്രതീക്ഷിത ഹര്‍ത്താല്‍ പ്രഖ്യാപിച്ച യൂത്ത് കോൺഗ്രസിനെതിരെ ഹൈക്കോടതി സ്വമേധയാ കേസെടുത്തു... എം.ജി. സർവകലാശാല തിങ്കളാഴ്ചത്തെ പരീക്ഷകൾ മാറ്റി... സംസ്ഥാനത്ത് ഇന്ന് യൂത്ത് കോൺഗ്രസ് ഹര്‍ത്താല്‍... കാസർഗോഡ് 2 കോൺഗ്രസ് പ്രവർത്തകരെ വെട്ടിക്കൊലപ്പെടുത്തി... കൊട്ടിയൂര്‍ പീഡനക്കേസില്‍ ഫാ. റോബിൻ വടക്കുംചേരിക്ക് 60 വര്‍ഷം തടവും മൂന്ന് ലക്ഷം രൂപ പിഴയും... കെവിന്‍ വധക്കേസിൽ കൈക്കൂലി വാങ്ങിയ എ.എസ്.ഐയെ പിരിച്ചുവിട്ടു; എസ്.ഐയ്ക്ക് പിരിച്ചുവിടല്‍ നോട്ടീസ്... ആറാട്ട് പ്രമാണിച്ച് ഏറ്റുമാനൂരില്‍ ശനിയാഴ്ച പ്രാദേശിക അവധി... ബി.എസ്.സി / ഡിപ്ലോമ നഴ്‌സുമാരെ സ്‌കൈപ്പ് സൗദിയിലേയ്ക്ക് ഇന്‍റര്‍വ്യൂ ചെയ്യുന്നു...

22 October, 2018 01:27:56 PM


ജനനേന്ദ്രിയം അരിവാളുകൊണ്ട് മുറിച്ചെടുത്ത് ഉറങ്ങിക്കിടന്ന ഭര്‍ത്താവിനെ ഭാര്യ കൊലപ്പെടുത്തി

തടുക്കാന്‍ ശ്രമിച്ചെങ്കിലും അവര്‍ അയാളെ കീഴ്പ്പെടുത്തുകയായിരുന്നു



ഹൈദരാബാദ്: ഉറങ്ങിക്കിടക്കുകയായിരുന്ന ഭര്‍ത്താവിന്‍റെ ജനനേന്ദ്രിയം അരിവാളുകൊണ്ട് മുറിച്ചെടുത്ത് ഭാര്യ ഭര്‍ത്താവിനെ കൊലപ്പെടുത്തി. ചുക്ക യേശുരത്നം എന്ന 27 കാരന്‍റെ ജനനേന്ദ്രിയമാണ് ഭാര്യ മുറിച്ചുമാറ്റിയത്. മാസങ്ങള്‍ക്ക് മുമ്പ് ഭര്‍ത്താവുമായി തെറ്റിപ്പിരിഞ്ഞ സ്വര്‍ണ്ണലത മറ്റൊരാള്‍ക്കൊപ്പം ജീവിക്കാന്‍ തുടങ്ങിയിരുന്നു. എന്നാല്‍ നാട്ടുകാരും ബന്ധുക്കളും ഇടപെട്ട് സ്വര്‍ണ്ണലതയെ തിരിച്ച് വീട്ടിലെത്തിക്കുകയായിരുന്നു. എന്നാല്‍ ഭാര്യ ഇപ്പോഴും അവിഹിത ബന്ധം തുടരുന്നുണ്ടെന്ന് യേശുരത്നം സംശയിച്ചു. ഇതേ തുടര്‍ന്ന് ഇരുവരും തമ്മില്‍ വഴക്ക് പതിവായിരുന്നു. സംഭവം നടക്കുന്ന രാത്രിയിലും ഇരുവരും തമ്മില്‍ വഴക്കുണ്ടായിരുന്നു. 


യേശുരത്നം തടുക്കാന്‍ ശ്രമിച്ചെങ്കിലും സ്വര്‍ണ്ണലത ഇയാളെ കീഴ്പ്പെടുത്തുകയായിരുന്നു. വേദനകൊണ്ടും രക്തം വാര്‍ന്നും അബോധാവസ്ഥയിലായ യേശുരത്നം നിമിഷങ്ങള്‍ക്കുള്ളില്‍ മരിച്ചു. ദമ്പതികളുടെ ഏഴും ആറും വയസ്സുള്ള മക്കള്‍ സംഭവം നടക്കുമ്പോള്‍ തൊട്ടടുത്ത് ഉറങ്ങിക്കിടക്കുകയായിരുന്നു. ബഹളം കേട്ട് ഓടിയെത്തിയ നാട്ടുകാര്‍ യേശുരത്നം മരിച്ചു കിടക്കുന്നതാണ് കണ്ടത്. പോസ്റ്റ്മോര്‍ട്ടം നടപടികള്‍ക്കായി മൃതദേഹം ഗുണ്ടൂര്‍ സര്‍ക്കാര്‍ ആശുപത്രിയിലേക്ക് മാറ്റി. സംഭവത്തില്‍ കേസെടുത്ത പൊലീസ് സ്വര്‍ണ്ണലതയെ അറസ്റ്റ് ചെയ്തു. 

 



Share this News Now:
  • Google+
Like(s): 243