Breaking News
അപ്രതീക്ഷിത ഹര്‍ത്താല്‍ പ്രഖ്യാപിച്ച യൂത്ത് കോൺഗ്രസിനെതിരെ ഹൈക്കോടതി സ്വമേധയാ കേസെടുത്തു... എം.ജി. സർവകലാശാല തിങ്കളാഴ്ചത്തെ പരീക്ഷകൾ മാറ്റി... സംസ്ഥാനത്ത് ഇന്ന് യൂത്ത് കോൺഗ്രസ് ഹര്‍ത്താല്‍... കാസർഗോഡ് 2 കോൺഗ്രസ് പ്രവർത്തകരെ വെട്ടിക്കൊലപ്പെടുത്തി... കൊട്ടിയൂര്‍ പീഡനക്കേസില്‍ ഫാ. റോബിൻ വടക്കുംചേരിക്ക് 60 വര്‍ഷം തടവും മൂന്ന് ലക്ഷം രൂപ പിഴയും... കെവിന്‍ വധക്കേസിൽ കൈക്കൂലി വാങ്ങിയ എ.എസ്.ഐയെ പിരിച്ചുവിട്ടു; എസ്.ഐയ്ക്ക് പിരിച്ചുവിടല്‍ നോട്ടീസ്... ആറാട്ട് പ്രമാണിച്ച് ഏറ്റുമാനൂരില്‍ ശനിയാഴ്ച പ്രാദേശിക അവധി... ബി.എസ്.സി / ഡിപ്ലോമ നഴ്‌സുമാരെ സ്‌കൈപ്പ് സൗദിയിലേയ്ക്ക് ഇന്‍റര്‍വ്യൂ ചെയ്യുന്നു...

26 October, 2018 12:08:24 PM


മലയാറ്റൂരിൽ ടാക്സി ഡ്രൈവറെ മർദ്ദിച്ച് രണ്ടംഗ സംഘം കാറുമായി കടന്നു

ആലുവ കീഴ്മാട് സ്വദേശി ശിവശങ്കരനാണ് ക്രൂരമായി മർദനമേറ്റത്



കൊച്ചി: എറണാകുളം മലയാറ്റൂരിൽ ടാക്സി ഡ്രൈവറെ മർദ്ദിച്ച് സംഘം കാറുമായി കടന്നു. ആലുവ കീഴ്മാട് സ്വദേശി ശിവശങ്കരനാണ് ക്രൂരമായി മർദനമേറ്റത്. പ്രതികളുടെ സിസിടിവി ദൃശ്യങ്ങൾ പൊലീസിന് ലഭിച്ചു. കഴിഞ്ഞ ദിവസം ഉച്ചയ്ക്ക് രണ്ടരയോടെയാണ് സംഭവം. 


ആലുവ റെയിൽവേ സ്റ്റേഷനിൽ നിന്നും മലയാറ്റൂരിലേക്ക് പോകണം എന്നവശ്യപ്പെട്ട രണ്ടംഗസംഘം പോകുന്ന വഴിക്ക് ബാറിൽ കയറി മദ്യപിച്ച ശേഷം വിജനമായ പാണ്ട്പാറയിലെത്തിയപ്പോൾ വണ്ടി നിർത്താൻ ആവശ്യപ്പെടുകയും ഡ്രൈവറെ അക്രമിക്കുകയുമായിരുന്നു. ക്രൂരമായി മര്‍ദ്ദിച്ച് അവശനാക്കിയ ഡ്രൈവറായ കീഴ്മാട് സ്വദേശി ശിവശങ്കരൻ നായർക്ക് തലയ്ക്ക് സാരമായി പരിക്കുണ്ട്. 


ഇയാൾ ഓടുന്ന കാറിൽ നിന്നും പുറത്തേക്ക് ചാടിയാണ് രക്ഷപ്പെട്ടത്. വനപാലകരാണ് ഇയാളെ ആശുപത്രിയിൽ എത്തിച്ചത്. മലയാറ്റൂരിലെ ബാറില്‍ നിന്നും മദ്യപിക്കുന്ന പ്രതികളുടെ സിസിടിവി ദൃശ്യങ്ങളാണ് പൊലീസിന് ലഭിച്ചത്. ഇവർക്കായി തിരച്ചിൽ ഊർജിതമാണ്. ആലുവ പ്രിൻസിപ്പൽ എസ്‌ഐ ആണ് കേസിന്‍റെ അന്വേഷണചുമതല.



Share this News Now:
  • Google+
Like(s): 172