11 February, 2019 08:34:02 PM
കുംഭമാസപൂജ: ശബരിമലയില്‍ നിരോധനാജ്ഞ പ്രഖ്യാപിക്കണമെന്ന് ആവശ്യപ്പെട്ട് പോലീസ് റിപ്പോര്‍ട്ട്
പത്തനംതിട്ട: കുംഭമാസ പൂജാവേളയിലും ശബരിമലയിൽ നിരോധനാജ്ഞ പ്രഖ്യാപിക്കണമെന്ന് ആവശ്യപ്പെട്ട് ജില്ലാ കളക്ടർക്ക് ജില്ലാ പോലീസ് മേധാവി റിപ്പോർട്ട് നൽകി. ഇന്ന് അർധരാത്രി മുതൽ ഫെബ്രുവരി 17 വരെ നിരോധനാജ്ഞ പ്രഖ്യാപിക്കണമെന്നാണ് ആവശ്യം. എന്നാൽ നിരോധനാജ്ഞ പ്രഖ്യാപിക്കുന്ന കാര്യത്തിൽ അന്തിമ തീരുമാനം എടുത്തിട്ടില്ലെന്ന് കളക്ടർ മാധ്യമങ്ങളെ അറിയിച്ചു.
ശബരിമല യുവതി പ്രവേശന വിഷയത്തിൽ സുപ്രീംകോടതി വിധി പറയുന്നത് മാറ്റിയ സാഹചര്യത്തിൽ കുംഭമാസ പൂജാവേളയിലും സന്നിധാനത്ത് പ്രശ്നങ്ങൾക്കുള്ള സാധ്യതയുണ്ടെന്നാണ് പോലീസിന്‍റെ നിരീക്ഷണം. കുംഭമാസ പൂജയ്ക്കായി ചൊവ്വാഴ്ചയാണ് ശബരിമല നട തുറക്കുന്നത്. 17 വരെ ദർശനം ഉണ്ടാകും.