22 February, 2019 11:46:49 AM
പെരിന്തൽമണ്ണ മൗലാന ആശുപത്രിയിൽ തീപിടുത്തം; രോഗികളെ മാറ്റിയതിനാല്‍ വന്‍ദുരന്തം ഒഴിവായി
മലപ്പുറം: പെരിന്തൽമണ്ണ നഗര മദ്ധ്യത്തിലുള്ള മൗലാന ആശുപത്രിയിൽ തീപിടുത്തം. ആശുപത്രിയിലെ ജനറേറ്റർ പൊട്ടിത്തെറിച്ചാണ് തീ പിടുത്തമുണ്ടായത്. താഴത്തെ നിലയിലെ ജനറേറ്റർ പൊട്ടിത്തെറിച്ചതാണ് അപകടകാരമണമെന്നാണ് പ്രാഥമിക നിഗമനം. അരമണിക്കൂറിനുള്ളിൽ തന്നെ തീ നിയന്ത്രണവിധേയമാക്കാൻ കഴിഞ്ഞത് വൻ അപകടം ഒഴിവാക്കി.
മലപ്പുറത്ത് നിന്നും മഞ്ചേരിയിൽ നിന്നും ഫയർ ഫോഴ്സ് എത്തിയാണ് തീ നിയന്ത്രണ വിധേയമാക്കിയത്. ആശുപത്രിയിൽ ഈ സമയത്ത് നൂറോളം രോഗികളുണ്ടായിരുന്നു. തീ പടരാനുള്ള സാധ്യത കണക്കിലെടുത്ത് രോഗികളെയും കൂട്ടിരുപ്പുകാരെയും ഉടനെ മാറ്റിയിരുന്നു.
