11 April, 2019 08:23:40 AM
സ്റ്റേജ് പൊട്ടിവീണതിന് പിന്നാലെ മാസ് ഡയലോഗുമായി കെ.മുരളീധരന്‍ താരമായി
കോഴിക്കോട്: വടകര ലോക്സഭാ മണ്ഡലം കോണ്‍ഗ്രസ് സ്ഥാനാർത്ഥി കെ മുരളീധരന്‍റെ തെരഞ്ഞെടുപ്പ് പ്രചരണത്തിനിടെ സ്റ്റേജ് പൊട്ടിവീണു. എന്നിട്ടും നർമ്മം കൈവിടാതെ പ്രവര്‍ത്തകരോട് സംവദിക്കുന്ന മുരളീഢരന്‍ പ്രവര്‍ത്തകര്‍ക്കിടയില്‍ താരമായി. കുറ്റ്യാടി ചെറിയ കുമ്പളത്ത് നടത്തിയ ഹാരാര്‍പ്പണ സമയത്താണ് വേദി പൊട്ടിവീണത്.
'ഏത് പ്രതിസന്ധി ഘട്ടത്തേയും അതിജീവിക്കാന്‍ നമുക്ക് കഴിയും, സ്റ്റേജ് പൊട്ടിവീണിട്ടും ഒരാപത്തും ഉണ്ടായിട്ടില്ല. ബോംബേറൊന്നും നമ്മടെ പ്രവർത്തനെത്ത ബാധിക്കാന്‍ പോവില്ല' എന്നായിരുന്നു മുരളീധരന്‍റെ പ്രതികരണം. മുന്നോട്ട് പോകാന്‍ പ്രവര്‍ത്തകരുടെ സഹായവും മുരളീധരന്‍ അഭ്യര്‍ത്ഥിച്ചു.
