23 June, 2019 10:53:00 AM


വാഹനങ്ങളെ ഇടിച്ച് തെറിപ്പിച്ച് തലസ്ഥാനനഗരിയിലൂടെ പാഞ്ഞ കാര്‍ നെടുമങ്ങാട് സ്വദേശിയായ സ്ത്രീയുടേത്



തിരുവനന്തപുരം: വാഹനങ്ങളെ ഇടിച്ച് തെറിപ്പിച്ച് തലസ്ഥാനത്തെ റോഡുകളിലൂടെ  നിർത്താതെ പാഞ്ഞ കാർ തിരിച്ചറിഞ്ഞു. ഇന്നലെ നഗരത്തിൽ പരിഭ്രാന്തി സൃഷ്ടിച്ച് നിയന്ത്രണം വിട്ട കാർ രണ്ടിടങ്ങളിലായി വാഹനങ്ങളെ ഇടിച്ച് തെറുപ്പിച്ചിട്ടും നിര്‍ത്താതെ പോവുകയായിരുന്നു. നെടുമങ്ങാട് സ്വദേശിയായ ഒരു സ്ത്രീയുടെതാണ് വാഹനം എന്ന് തിരിച്ചറിഞ്ഞതായി പൊലീസ് അറിയിച്ചു. സിസിടിവി ദൃശ്യങ്ങളുടെ അടിസ്ഥാനത്തിൽ നടന്ന പരിശോധനയിലാണ് കാര്‍ തിരിച്ചറിഞ്ഞത്.


അതിവേഗത്തിൽ നഗരത്തിലൂടെ പാഞ്ഞ കാർ കരമനയിൽ രണ്ട് വാഹനങ്ങൾ അടിച്ച് തെറിപ്പിച്ചു. ഇതിന് ശേഷം വഴുതക്കാട് ഭാഗത്തേക്ക് പോയ വാഹനം സിറ്റി പൊലീസ് കമ്മീഷണറുടെ കാര്യാലയത്തിന് മുന്നിൽ വച്ച് ഒരു ഓട്ടോറിക്ഷയെ ഇടിച്ച് തെറിപ്പിച്ചു. ഇടിയുടെ ആഘാതത്തില്‍ പാർക്ക് ചെയ്തിരുന്ന ഇരുചക്ര വാഹനങ്ങളുടെ മുകളിലേക്ക് വീണ ഓട്ടോറിക്ഷ ഡ്രൈവർക്ക് സാരമായി പരിക്കേറ്റിരുന്നു. 



Share this News Now:
  • Google+
Like(s): 1551