09 December, 2019 03:58:13 PM
ഉള്ളി വില; സര്‍ക്കാരുകള്‍ക്ക് നിര്‍ദേശം നല്‍കണമെന്ന് ആവശ്യപ്പെട്ട് ഹൈക്കോടതിയില്‍ ഹര്‍ജി
കൊച്ചി: രാജ്യത്ത് ഉള്ളിവില കുതിച്ചുയരുന്നതിനിടെ കോടതി ഇടപെടമെന്നാവശ്യപ്പെട്ടു ഹൈക്കോടതിയില്‍ പൊതുതാത്പര്യ ഹര്‍ജി. ഉള്ളിവില നിയന്ത്രിക്കുന്നതിന് കേന്ദ്ര- സംസ്ഥാന സര്‍ക്കാരുകള്‍ക്ക് നിര്‍ദേശം നല്‍കണമെന്നാണ് ഹര്‍ജി. പാര്‍ലമെന്‍റിലോ അംസംബ്ലികളിലോ ഉള്ളിവില വര്‍ധന ചര്‍ച്ചയാകുന്നില്ല. രാഷ്ട്രീയ പാര്‍ട്ടികളും വിഷയം ഉയര്‍ത്തിക്കൊണ്ടു വരുന്നതില്‍ പരാജയപ്പെട്ടെന്നും ഹര്‍ജിയില്‍ ചൂണ്ടിക്കാട്ടുന്നു.
എറണാകുളം ഉപതെരഞ്ഞെടുപ്പിലെ ഇടത് സ്ഥാനാര്‍ഥിയായിരുന്ന അഡ്വ. മനു റോയിയാണ് ഹര്‍ജി സമര്‍ച്ചിരിക്കുന്നത്. സാധാരണക്കാരന് താങ്ങാനാകുന്നതിനും അപ്പുറമാണ് ഉള്ളിവിലയെന്നും സംസ്ഥാന സര്‍ക്കാരിന്‍റെ ഭാഗത്തു നിന്നു പോലും ഇതിന് നടപടിയുണ്ടാകുന്നില്ലെന്നും ഹര്‍ജിയില്‍ പറയുന്നു.
