05 May, 2020 01:32:35 AM


രോ​ഗിയെ എടുക്കാൻ പോയ ആംബുലൻസ് മറിഞ്ഞ് നഴ്സ് മരിച്ചു; ഡ്രൈവർ ​ഗുരുതരാവസ്ഥയിൽ





തൃശൂർ: അന്തിക്കാട് രോ​ഗിയെ എടുക്കാനായി വീട്ടിലേക്ക് പോയ 108 ആംബുലൻസ് മറിഞ്ഞ് നഴ്സ് മരിച്ചു. പെരിങ്ങോട്ടുകര സ്വദേശി ഡോണയാണ് (22) മരിച്ചത്. അവശനിലയിലായ രോ​ഗിയെ എടുക്കാനായി പോകും വഴി രാത്രി ഏഴ് മണിയോടെയായിരുന്നു അപകടം. ഗുരുതരമായി പരിക്കേറ്റ ആംബുലൻസ് ഡ്രൈവർ അജയ കുമാറിനെ സ്വകാര്യ ആശുപത്രിയിൽ പ്രവേശിപ്പിച്ചു.


പുറകോട്ടെടുക്കുകയായിരുന്ന കാർ ആംബുലൻസിൽ ഇടിക്കുകയായിരുന്നു. ഇടിയുടെ ആഘാതത്തിൽ ആംബുലൻസ് റോഡരികിലുണ്ടായിരുന്ന വീടിന്റെ മതിലിൽ ചെന്നിടിച്ചാണ് മറിഞ്ഞത്. മതിൽ പൂർണമായി തകർന്നു. വാരിയെല്ലിന് ​ഗുരുതര പരുക്കേറ്റ ഡോണ ആശുപത്രിയിലെത്തിക്കുമ്പോഴേക്കും മരിച്ചിരുന്നു. അജയകുമാർ ഇപ്പോഴും അപകട നില തരണം ചെയ്തിട്ടില്ല.



Share this News Now:
  • Mail
  • Whatsapp whatsapp
Like(s): 5.7K