06 May, 2020 12:48:57 AM
കൈകാണിച്ച് നിർത്താനാവശ്യപ്പെട്ട പോലീസുകാരനെ ബൈക്കിടിച്ച് തെറിപ്പിച്ചു
കാസർകോഡ്: കൈകാണിച്ച് നിർത്താനാവശ്യപ്പെട്ട പോലീസുകാരനെ ബൈക്കിടിച്ച് തെറിപ്പിച്ചു. സംഭവത്തിൽ പോലീസുകാരന് ഗുരുതരമായി പരിക്കേറ്റു. എ.ആർ ക്യാമ്പിലെ പോലീസുകാരൻ സനൂപിന് ( 28) ആണ് പരിക്കേറ്റത്. ഇയാളെ മംഗളൂരുവിലെ ആശുപത്രിയിൽ പ്രവേശിപ്പിച്ചു. ചൊവാഴ്ച വൈകുന്നേരം ആറരയോടെ ഉളിയത്തടുക്കയിലാണ് സംഭവം. ലോക്ക്ഡൗണിന്‍റെ ഭാഗമായി ഡ്യൂട്ടി ചെയ്തു വരികയായിരുന്ന പോലീസുകാരൻ അമിത വേഗതയിൽ എത്തിയ ബൈക്ക് നിർത്താൻ ആവശ്യപ്പെട്ടപ്പോൾ ഇടിച്ച് തെറിപ്പിക്കുകയായിരുന്നു.
