20 May, 2020 09:14:17 AM
ഡോക്ടർക്ക് കോവിഡ്: താമരശേരി ആശുപത്രിയിലെ ജീവനക്കാരും രോഗികളും നിരീക്ഷണത്തിൽ
കോഴിക്കോട്: ഡോക്ടർക്ക് കോവിഡ് സ്ഥിരീകരിച്ചതോടെ താമരശേരി സ്വകാര്യ ആശുപത്രിയിലെ ജീവനക്കാർ നിരീക്ഷണത്തിൽ. പുതുപ്പാടി ഈങ്ങാപ്പുഴയിലെ സ്വകാര്യ ആശുപത്രിയിലെ ഗൈനക്കോളജി ഡോക്ടർക്കാണ് കോവിഡ് സ്ഥിരീകരിച്ചത്. കർണാടക സ്വദേശിനി ആയ ഇവർ ഈ മാസം 5 ന് നാട്ടിലേക്ക് പോയിരുന്നു. കർണാടകത്തിലെ വീട്ടില്‍ ക്വാറന്‍റയിനിൽ കഴിയുന്നതിനിടെ നടന്ന പരിശോധനയിൽ ആണ് കോവിഡ് സ്ഥിരീകരിച്ചത്.
ആശുപത്രിയിലെ ആറു ജീവനക്കാരെയും 4 ഗർഭിണികളെയും നിരീക്ഷണത്തിൽ ആക്കി. രോഗം പകർന്നത് കേരളത്തിൽ നിന്നാണെന്ന് സംശയിക്കുന്നതായി ഡോക്ടർ പറയുന്നു. കർണാടകത്തിൽ എത്തിയതിനു ശേഷം റൂം ക്വാറന്‍റൈനിൽ ആയിരുന്നു. കർണാടകത്തിൽ സമ്പർക്കം ഉണ്ടായിട്ടില്ലെന്നും ഡോക്ടർ പറഞ്ഞു. ഡോക്ടറെ കൊണ്ടുപോയ ഡ്രൈവറും നിരീക്ഷണത്തിലാണ്. ഇദ്ദേഹത്തിന്‍റെ സ്രവ സാമ്പിളും പരിശോധിക്കും.
