31 May, 2020 09:13:51 PM
കേരളത്തില് വീണ്ടും കോവിഡ് മരണം: ഇന്ന് മരിച്ചത് റിയാദില് നിന്നെത്തിയ മാവൂര് സ്വദേശിനി
കോഴിക്കോട്: കോവിഡ് ബാധിച്ചു സംസ്ഥാനത്ത് ഒരാൾ കൂടി മരിച്ചു. മാവൂർ സ്വദേശി സുലേഖ (56) ആണ് കോഴിക്കോട് മെഡിക്കൽ കോളജിൽ ചികിത്സയിലിരിക്കെ മരിച്ചത്. ഈ മാസം 20നാണ് റിയാദിൽ നിന്നെത്തിയത്. ഹൃദ്രോഗവും കടുത്ത രക്തസമ്മർദവും ഉണ്ടായിരുന്നു.
രോഗലക്ഷണങ്ങൾ പ്രകടിപ്പിച്ചതോടെ ഇവരെ ആശുപത്രിയിൽ പ്രവേശിപ്പിക്കുകയായിരുന്നു. ഇവരുടെ ഭർത്താവിനും കോവിഡ് സ്ഥിരീകരിച്ചിട്ടുണ്ട്. ഇതോടെ സംസ്ഥാനത്ത് കോവിഡ് ബാധിച്ചു മരിച്ചവരുടെ എണ്ണം 10 ആയി.