10 July, 2020 02:51:24 PM
നീണ്ടൂര്‍ ഓണംതുരുത്തിൽ 4 വയസുകാരൻ തോട്ടില്‍ വീണു മരിച്ചു
ഏറ്റുമാനൂര്‍: നീണ്ടൂര്‍ ഓണംതുരുത്തിൽ 4 വയസുകാരൻ വീടിന് പിന്നിലെ തോട്ടില്‍ വീണു മരിച്ചു. കളമ്പുകാട്ടിൽ ഷിബു ഫിലിപ്പിന്‍റെ മകൻ ഡാനിയൽ ആണ് മരിച്ചത്. വെള്ളിയാഴ്ച രാവിലെ പത്തര മണിയോടെ സഹോദരങ്ങളോടൊപ്പം കളിക്കുകയായിരുന്ന കുട്ടിയെ കാണാതായിരുന്നു. തുടര്‍ന്ന് വീട്ടുകാരും സമീപ വാസികളും ചേര്‍ന്ന് തിരച്ചില്‍ നടത്തുന്നതിനിടയില്‍ ഉച്ചയ്ക്ക് ഒന്നരയോടെ ഓലിയില്‍ മരിച്ച നിലയില്‍ കണ്ടെത്തുകയായിരുന്നു. തുടര്‍ന്ന് ഏറ്റുമാനൂര്‍ പോലീസെത്തി മൃതദേഹം പുറത്തെടുത്ത് കോട്ടയം മെഡിക്കല്‍ കോളേജ് ആശുപത്രിയിലെത്തിച്ചു. കുട്ടിയുടെ പിതാവ് ഷിബു ഗള്‍ഫിലാണ്. അമ്മ: അനീഷ. സഹോദരങ്ങള്‍: ഡിയോണ്‍, ഡെല്‍വിന്‍ .
