29 July, 2020 04:48:13 AM
സുശാന്ത് സിംഗിന്‍റെ മരണം: റിയ ചക്രബർത്തിക്കെതിരെ ആത്മഹത്യാപ്രേരണ കുറ്റത്തിന് കേസ്
ദില്ലി: ബോളിവുഡ് നടൻ സുശാന്ത് സിംഗ് രജ്പുതിന്‍റെ മരണവുമായി ബന്ധപ്പെട്ട് ആത്മഹത്യാപ്രേരണ കുറ്റത്തിന് നടി റിയ ചക്രബർത്തിക്കെതിരെ പോലീസ് കേസെടുത്തു. സുശാന്തിന്‍റെ അച്ഛൻ നൽകിയ പരാതിയിലാണ് റിയക്കെതിരെ പോലീസ് കേസെടുത്തത്.
സുശാന്തിനെ കൂട്ടുകാരി കൂടിയായ റിയ ജീവനൊടുക്കാൻ പ്രേരിപ്പിച്ചെന്നും സാമ്പത്തികമായി വഞ്ചിച്ചെന്നും മാനസികമായി ഉപദ്രവിച്ചെന്നും പരാതിയിൽ പറയുന്നു. എഫ്ഐആറിൽ റിയയുടെ കുടുംബാംഗങ്ങൾ ഉൾപ്പെടെ ആറ് പേരുടെ പേരും ചേർത്തിട്ടുണ്ട്. പാറ്റ്ന പോലീസിന്‍റെ നാലംഗ സംഘം കേസ് അന്വേഷിക്കാൻ മുംബൈയിലേക്ക് പുറപ്പെട്ടു.
