01 July, 2021 09:54:08 AM


ഫു​ട്ബോ​ൾ ഇ​തി​ഹാ​സം മെ​സി ഇനി എ​​ങ്ങോട്ട്‌...? അ​ർ​ജ​ന്‍റീ​ന ലെ​ജ​ൻ​ഡ് ഇ​ന്നു മു​ത​ൽ ഫ്രീ ​ഏ​ജ​ന്‍റ്



ബാ​ഴ്സ​ലോ​ണ: ഫു​ട്ബോ​ൾ ഇ​തി​ഹാ​സം ല​യ​ണ​ൽ മെ​സി​യെ ഇ​നി ബാ​ഴ്സ​ലോ​ണ​യു​ടെ ചു​വ​പ്പും ക​ടും​നീ​ല​യും ക​ല​ർ​ന്ന കു​പ്പാ​യ​ത്തി​ൽ കാ​ണാ​ൻ ക​ഴി​യു​മോ? ക​റ്റാ​ല​ൻ​മാ​ർ​ക്കു​വേ​ണ്ടി ലോ​കം കീ​ഴ​ട​ക്കാ​ൻ ഇ​നി മെ​സി​യു​ണ്ടാ​വു​മോ?

ഇ​ന്ന​ലെ അ​ർ​ധ​രാ​ത്രി (ജൂ​ൺ 30) മു​ത​ൽ ഫു​ട്ബോ​ൾ ആ​രാ​ധ​ക​ർ ചോ​ദി​ച്ചു​തു​ട​ങ്ങി​യി​രി​ക്കു​ന്നു. അ​തെ, അ​ർ​ജ​ന്‍റീ​ന ലെ​ജ​ൻ​ഡ് ഇ​ന്നു മു​ത​ൽ ഫ്രീ ​ഏ​ജ​ന്‍റ്. ല​യ​ണ​ൽ ആ​ൻ​ഡ്ര​സ് മെ​സി​യു​മാ​യു​ള്ള സ്പാ​നി​ഷ് വ​മ്പ​ൻ ബാ​ഴ്സ​യു​ടെ ക​രാ​ർ ഇ​ന്ന​ലെ അ​ർ​ധ​രാ​ത്രി​യോ​ടെ അ​വ​സാ​നി​ച്ചു. മെ​സി​യെ ഇ​നി ആ​ർ​ക്കു​വേ​ണ​മെ​ങ്കി​ലും സ്വ​ന്ത​മാ​ക്കാം.

മെസി, മാ​ഞ്ച​സ്റ്റ​ർ സി​റ്റി​യി​ലേ​ക്കു പോ​കു​മെ​ന്ന അ​ഭ്യൂ​ഹം ഇ​ന്ന​ലെ മു​ത​ൽ കൂ​ടു​ത​ൽ ശ​ക്തി​പ്പെ​ട്ടി​ട്ടു​ണ്ട്. പി​എ​സ്ജി​യും സ​ജീ​വ​മാ​യി ക​ള​ത്തി​ലു​ണ്ടെ​ന്നാ​ണ് കേ​ട്ടു​കേ​ൾ​വി.

എ​ന്നാ​ൽ മെ​സി​യു​മാ​യി ക​രാ​ർ ഒ​പ്പി​ടാ​ൻ ക​റ്റാ​ല​ൻ​മാ​ർ ശ്ര​മി​ച്ചു​വ​രി​ക​യാ​ണെ​ന്ന വാ​ർ​ത്ത​ക​ൾ​ക്കാ​ണ് കൂ​ടു​ത​ൽ വി​ശ്വാ​സ്യ​ത. വ​രും ദി​വ​സ​ങ്ങ​ളി​ൽ ത​ന്നെ മെ​സി ബാ​ഴ്സ​ലോ​ണ​യു​മാ​യി ക​രാ​ർ നീ​ട്ടു​മെ​ന്നാ​ണ് സൂ​ച​ന. കോ​പ്പ അ​മേ​രി​ക്ക ചാ​മ്പ്യ​ൻ​ഷി​പ്പി​ൽ ക​ളി​ക്കാ​ൻ അ​ർ​ജ​ന്‍റീ​ന ടീ​മി​നൊ​പ്പം ഇ​പ്പോ​ൾ ബ്ര​സീ​ലി​ലു​ള്ള മെ​സി ഇ​തേ​ക്കു​റി​ച്ച് പ്ര​തി​ക​രി​ച്ചി​ട്ടി​ല്ല.

മെ​സി​യു​ടെ ചി​ര​കാ​ല​സു​ഹൃ​ത്താ​യ മു​ൻ മാ​ഞ്ച​സ്റ്റ​ർ സി​റ്റി താ​രം സെ​ർ​ജി​യോ അ​ഗ്യൂ​റോ കൂ​ടി അ​ടു​ത്ത സീ​സ​ണി​ൽ ബാ​ഴ്സ​യി​ൽ ക​ളി​ക്കാ​ൻ ക​രാ​റൊ​പ്പി​ട്ടി​ട്ടു​ണ്ട്. ഈ ​സാ​ഹ​ച​ര്യ​ത്തി​ൽ മെ​സി ബാ​ഴ്സ വി​ടി​ല്ലെ​ന്ന പ്ര​തീ​ക്ഷ​യി​ലാ​ണ് ആ​രാ​ധ​ക​ർ. പ്ര​തി​വാ​രം ഏ​ക​ദേ​ശം ആ​റു കോ​ടി രൂ​പ​യാ​ണ് മെ​സി​ക്ക് ബാ​ഴ്സ ന​ൽ​കു​ന്ന പ്ര​തി​ഫ​ലം.


Share this News Now:
  • Mail
  • Whatsapp whatsapp
Like(s): 5.4K