22 July, 2021 03:49:35 PM
കടബാധ്യത: തിരുവനന്തപുരത്ത് സ്റ്റേഷനറി കടയുടമ ആത്മഹത്യ ചെയ്ത നിലയില്‍
തിരുവനന്തപുരം: തിരുവനന്തപുരം തച്ചോട്ടുകാവില്‍ വ്യാപാരി ജീവനൊടുക്കി. തച്ചോട്ടുകാവ് സ്വദേശി എസ്. വിജയകുമാര്‍ ആണ് ജീവനൊടുക്കിയത്. 15 ലക്ഷത്തോളം രൂപയുടെ കടബാധ്യതയുണ്ടെന്ന് ആത്മഹത്യാക്കുറിപ്പില്‍ പറയുന്നു. തച്ചോട്ടുകാവ് പ്രാരം ജംഗ്ഷനില്‍ സ്റ്റേഷനറി കട നടത്തിവരികയായിരുന്നു വിജയകുമാർ.
വീടിന്‍റെ സണ്‍ഷെയ്ഡില്‍ തൂങ്ങിമരിക്കുകയായിരുന്നു. കട തുറക്കാനാകാതിരുന്നതോടെ വീടു വയ്ക്കാന്‍ എടുത്ത ലോണുകളുടെ തിരിച്ചടവ് അടക്കം മുടങ്ങിയെന്ന് ആത്മഹത്യാക്കുറിപ്പില്‍ പറയുന്നു. കോവിഡിനെ തുറന്ന് കട തുറക്കാന്‍ കഴിയാതിരുന്നതാണ് സാമ്പത്തിക പ്രതിസന്ധി രൂക്ഷമാക്കിയതെന്ന് വിജയകുമാറിന്‍റെ സഹോദരന്‍ പറഞ്ഞു.
