09 March, 2022 10:55:09 AM
സിനിമാതാരം കാവ്യാ മാധവന്‍റെ ഇടപ്പള്ളിയിലെ ലക്ഷ്യ ബ്യൂട്ടീക്കില്‍ തീപിടുത്തം
കൊച്ചി: സിനിമാ താരം കാവ്യാ മാധവന്‍റെ ഉടമസ്ഥതയിലുള്ള ലക്ഷ്യ ബ്യൂട്ടീക്കില്‍ തീപിടുത്തം. ഇടപ്പള്ളിയിലെ ഗ്രാന്‍റ് മാളിലുള്ള സ്ഥാപനത്തിലാണ് തീപിടുത്തം. ബ്യൂട്ടീക്കിനുള്ളിലെ തുണികളും തയ്യൽ മെഷീനുകളു൦ കത്തി നശിച്ചു. പുലർച്ചെ മൂന്ന് മണിക്കാണ് തീപിടുത്തം ഉണ്ടായത്. കാരണം ഷോർട്ട് സർക്യൂട്ടെന്നാണ് പ്രാഥമിക നിഗമന൦.
രാവിലെ സെക്യൂരിറ്റി പരിശോധനക്കായി എത്തിയപ്പോഴാണ് ബ്യൂട്ടീക്കിൽ നിന്ന് പുക ഉയരുന്നത് കണ്ടത്. കാവ്യാ മാധവന്‍റെ ഉടമസ്ഥതയിലുള്ള ലക്ഷ്യ ബ്യൂട്ടീക്ക് ഇപ്പോൾ ഓൺലൈനായാണ് പ്രധാനമായും കച്ചവടം നടത്തുന്നത്. ഇതിനായുള്ള വസ്ത്രങ്ങൾ തയ്പ്പിച്ചെടുക്കുന്നതിനായിരുന്നു ഗ്രാന്‍റ് മാളിൽ സ്ഥാപനം പ്രവർത്തിച്ചിരുന്നത്. അതുകൊണ്ട് തന്നെ കാര്യമായ നാശനഷ്ടങ്ങളില്ലെന്നാണ് വിലയിരുത്തൽ.
