20 June, 2017 11:12:51 PM
ബോളിവുഡിന്റെ പ്രിയ വില്ലൻ അമൃത് പാൽ അന്തരിച്ചു
മുംബൈ (20/6/2017): ബോളിവുഡിന്റെ പ്രിയ വില്ലൻ അമൃത് പാൽ (76) അന്തരിച്ചു. വാർധക്യസഹജമായ അസുഖത്തെ തുടർന്ന് മുംബൈ മലാഡിലെ വീട്ടിൽ തിങ്കളാഴ്ച വൈകുന്നേരം അഞ്ചിനായിരുന്നു അന്ത്യം. 1980-90 കളിൽ വിനോദ് ഖന്ന, ധർമേന്ദ്ര, മിഥുൻ ചക്രബർത്തി, അനിൽ കപൂർ തുടങ്ങിയവരുടെ സിനിമകളിലെ വില്ലൻ കഥാപാത്രങ്ങൾക്ക് ജീവൻ നൽകിയിരുന്നത് അമൃത് പാലായിരുന്നു. കരൾവീക്കത്തെ തുടർന്ന് വർഷങ്ങളായി അദ്ദേഹം കിടപ്പിലായിരുന്നു. രോഗം മൂർഛിച്ചതിനെ തുടർന്ന് കഴിഞ്ഞ ആഴ്ച ആശുപത്രിയിൽ പ്രവേശിപ്പിക്കുകയും ഏതാനും ദിവസം മുമ്പ് വീട്ടിലേക്ക് മാറ്റുകയും ചെയ്തിരുന്നു.