12 October, 2020 06:07:16 PM
കേന്ദ്രസര്ക്കാര് ജീവനക്കാരുടെ അവധി യാത്രാബത്ത പരിഷ്കരിച്ചു
കേന്ദ്രസര്ക്കാര് ജീവനക്കാരുടെ അവധി യാത്രാബത്ത പരിഷ്കരിച്ചു. ടിക്കറ്റ് തുകയുടെ മൂന്നിരട്ടിവരെ ലീവ് എന്കാഷ്മെന്റായി നല്കും. 10,000 രൂപവരെ പലിശയില്ലാതെ ഉത്സവബത്തയായി മുന്കൂര് നല്കും. കൊവിഡ് കാലത്ത് കുടുംബവുമൊത്ത് യാത്ര ചെയ്യാന് കഴിയാത്ത സാഹചര്യമായതിനാല്, എല് ടി സി സ്ക്രീമില് അനുവദിച്ചിട്ടുള്ള തുക ജീവനക്കാര്ക്ക് പണമാക്കി മാറ്റാം എന്നതാണ് പുതിയ പദ്ധതിയുടെ പ്രത്യേകത. എന്നാല് ഡിജിറ്റല് രൂപത്തിലാകും ഇത് സാധ്യമാവുക. 12 ശതമാനമോ അതിന് മുകളിലോ ജി എസ് ടിയുള്ള ഉല്പ്പന്നങ്ങളും സേവനങ്ങളും മാത്രമേ എല് ടി സി വൗച്ചര് പദ്ധതിയില് ഉള്പ്പെടുകയുള്ളൂ എന്നതും മറ്റൊരു പ്രത്യേകതയാണ്.
സംസ്ഥാനങ്ങള്ക്ക് 50 വര്ഷത്തേക്ക് കേന്ദ്രസര്ക്കാര് 12,000 കോടി രൂപ പലിശരഹിത വായ്പ നല്കും. 50 ശതമാനം തുക ആദ്യഘട്ടത്തില് അനുവദിക്കും. ഇത് ചെലവഴിച്ചശേഷം ബാക്കി തുക നല്കും.ഇതില് 200 കോടി രൂപവീതം വടക്കുകിഴക്കന് സംസ്ഥാനങ്ങള്ക്ക് ലഭിക്കും. ഉത്തരാഖണ്ഡ്, ഹിമാചല് പ്രദേശ് എന്നീ സംസ്ഥാനങ്ങള്ക്ക് 450 കോടി രൂപവീതവുമാണ് അനുവദിക്കുക. ബാക്കിയുള്ള 7,500 കോടി രൂപ മറ്റ് സംസ്ഥാനങ്ങള്ക്കും നല്കും.കോവിഡ് വ്യാപനത്തെതുടര്ന്നുള്ള സാമ്ബത്തിക മാന്ദ്യത്തില്നിന്ന് കരകയറുന്നതിന്റെ സൂചനകള് കണ്ടുതുടങ്ങിയെന്നും പ്രഖ്യാപനങ്ങള് നടത്തിക്കൊണ്ട് കേന്ദ്ര ധനമന്ത്രി നിര്മല സീതാരാമന് പറഞ്ഞു.