Breaking News
ഇന്ന് അര്‍ദ്ധരാത്രി മുതല്‍ ആരംഭിക്കാനിരിക്കുന്ന അനിശ്ചിതകാല കെഎസ്‌ആര്‍ടിസി പണിമുടക്ക് മാറ്റില്ലെന്ന് സംയുക്ത സമരസമിതി തീരുമാനം. പണിമുടക്ക് തടഞ്ഞ ഹൈക്കോടതി വിധി പരിഗണിക്കുന്നില്ലെന്നാണ് യൂണിയന്‍ അറിയിച്ചിരിക്കുന്നത്... ബിഷപ്പിനെതിരെ സമരം ചെയ്ത കന്യാസ്ത്രീകള്‍ക്ക് കൂട്ട സ്ഥലമാറ്റം; പ്രതികാര നടപടിയെന്ന് കന്യാസ്ത്രീകള്‍... കെ​എ​സ്‌ആ​ര്‍​ടി​സി അ​നി​ശ്ചി​ത​കാ​ല പ​ണി​മു​ട​ക്ക് ഹൈ​ക്കോ​ട​തി ത​ട​ഞ്ഞു... ഭര്‍ത്താവിന്‍റെ അമ്മയെ മര്‍ദ്ദിച്ചെന്ന് ആരോപണം ; കനകദുര്‍ഗയ്‌ക്കെതിരെ കേസെടുത്തു... ശബരിമലയില്‍ ദര്‍ശനം നടത്താനെത്തിയ യുവതികള്‍ മടങ്ങി ; യുവതികളെ തടഞ്ഞത് ഗുണ്ടായിസമെന്ന് ദേവസ്വം മന്ത്രി... കൊല്ലം ബൈപ്പാസ് പ്രധാനമന്ത്രി നരേന്ദ്ര മോദി നാടിന് സമര്‍പ്പിച്ചു... അഡ്‌ലെയ്ഡ് ഏകദിനത്തില്‍ ഇന്ത്യയ്ക്ക് ആറ് വിക്കറ്റ് ജയം; കോഹ്ലിക്ക് സെ‍ഞ്ചുറി... ശബരിമലയിലെ നിരോധനാജ്ഞ നീട്ടില്ലെന്ന് ജില്ലാഭരണ കൂടവും പോലീസും തീരുമാനിച്ചു... ശബരിമലയിലെ സ്ത്രീ പ്രവേശന ഹര്‍ജികള്‍ 22 ന് പരിഗണിക്കില്ലെന്ന് സുപ്രീം കോടതി... ഏഷ്യന്‍ കപ്പില്‍ പ്രീ ക്വാര്‍ട്ടറിന്‍റെ അരികില്‍ നിന്ന് ഇന്ത്യ പുറത്ത്... കനകദുർഗയെ പെരിന്തൽമണ്ണയിലെ വീട്ടിലെത്തിയപ്പോൾ ഭർത്താവിന്‍റെ ബന്ധുക്കൾ മർദ്ദിച്ചതായി പരാതി... കൊല്ലം ബൈപ്പാസ് ഉദ്ഘാടനം ഇന്ന് പ്രധാനമന്ത്രി നിര്‍വ്വഹിക്കും... രാജ്യദ്രോഹ കേസ്; കനയ്യ കുമാറുള്‍പ്പടെ 10 പേര്‍ക്ക് എതിരെ കുറ്റപത്രം... പയ്യോളിയില്‍ സിപിഎം പ്രവര്‍ത്തകന്‍റെ വീടിനു നേരേ ബോംബെറിഞ്ഞ സംഭവം- ബിജെപി പ്രവര്‍ത്തകര്‍ കസ്റ്റഡിയില്‍... പൊങ്കല്‍ പ്രമാണിച്ച് ആറ് ജില്ലകള്‍ക്ക് നാളെ പ്രാദേശിക അവധി... അഗസ്ത്യാർകൂടത്തിലേക്കുളള സ്ത്രീ പ്രവേശനത്തിനെതിരെ കാണി വിഭാഗം രംഗത്ത്... അഗസ്ത്യാർകൂട യാത്രയ്ക്ക് ഇന്ന് തുടക്കം... മല കയറാന്‍ തയ്യാറായി ഒട്ടേറെ വനിതകളും... ഇന്ന് മകരവിളക്ക്; തിരുവാഭരണ ഘോഷയാത്ര വൈകിട്ട് അഞ്ചരയ്ക്ക് ശരംകുത്തിയിൽ എത്തും... വൈക്കം വടയാര്‍ പാലത്തില്‍ ലോറിയിടിച്ച് ബൈക്ക് യാത്രികരായ രണ്ട് യുവാക്കള്‍ മരിച്ചു... ഗാന്ധിയന്‍ കെ.പി.എ.റഹീം പ്രസംഗിക്കുന്നതിനിടെ കുഴഞ്ഞുവീണ് അന്തരിച്ചു... ദേവികുളം ഗ്യാപ്പ് റോഡരികിൽ റിസോര്‍ട്ട് ഉടമയും ജീവനക്കാരനും മരിച്ച നിലയില്‍... മാനേജര്‍ ഒളിവില്‍... രാമപുരത്തും പാലായിലും വാഹനാപകടങ്ങളില്‍ മൂന്ന് മരണം; പാലായിലെ അപകടം രാമപുരത്ത് നിന്ന് പോയ ആംബുലന്‍സ് ഇടിച്ച്... പഴന്തോട്ടം പള്ളി തർക്കത്തിന് താത്കാലിക പരിഹാരം; കാതോലിക്ക ബാവ ഉപവാസം അവസാനിപ്പിച്ചു... അലോക് വർമ്മയ്ക്കെതിരെ സിബിഐ അന്വേഷണത്തിന് ശുപാർശ... അതിരമ്പുഴ തിരുനാള്‍ 19ന് ആരംഭിക്കും; ഫെബ്രുവരി ഒന്നിന് എട്ടാമിടം...

23 October, 2016 09:44:53 AM


പുത്തനച്ചിമാരോ ഇവര്‍ പവനായിമാരോ ?



ഇടതുപക്ഷ മന്ത്രിസഭയുടെ തുടക്കം ജനങ്ങളുടെ പ്രതീക്ഷകള്‍ക്ക് വിളക്ക് വച്ചുകൊണ്ടായിരുന്നു. പ്രതിപക്ഷത്തു ഉറച്ചു നിന്നിരുന്നവര്‍പോലും രഹസ്യമായെങ്കിലും മന്ത്രിസഭയെ നല്ല രീതിയില്‍  വിലയിരുത്തി. പോകെ പോകെ പ്രതീക്ഷകള്‍ക്കു മുമ്പില്‍ കൊളുത്തിയ വിളക്ക് മങ്ങാന്‍ തുടങ്ങി ! ആരംഭ ശൂരത്വം എന്നും പുത്തനച്ചി പുരപ്പുറം തൂക്കുമെന്നും ഒക്കെ പറയുന്ന
ഗതി തെളിഞ്ഞുവന്നു.


പൂജാരിമാരുടെ 'കോണക'ത്തെ കുറിച്ച് പറഞ്ഞു കൊണ്ട് ജി.സുധാകരന്‍ വിടുവായ് തുടങ്ങിവച്ചു. ജയരാജന്‍ മുഹമ്മദലിയിലൂടെ അത് പൊലിപ്പിച്ചു.പിന്നെ  അഞ്ജു ബോബി ജോര്‍ജ്ജ്, ബന്ധു നിയമന വിവാദം, തേക്ക് വിവാദം.. അതങ്ങനെ.. യോഗക്കുപോയി  ഋഗ്വേദ മന്ത്രം പ്രാര്‍ത്ഥനയെന്നു തെറ്റി ധരിച്ച് ഇറങ്ങിപ്പോയ ശൈലജ അതങ്ങനെ! അതിനിടെ വരമ്പത്തു കൂലിയുംകൊണ്ട് കോടിയേരി.. ഇതിനിടെ ടോമിന്‍ തച്ചങ്കരിയും വകുപ്പും മന്ത്രിയും ഒക്കെ തമ്മില്‍ മറ്റൊരു കലമ്പല്‍...


അപ്പോഴാണ്‌ ചുവപ്പ് കാര്‍ഡും മറ്റുമായി ജേക്കബ് തോമസിന്റെ ആഗമനം. 'ഇതാ  ഉദ്ദണ്ടന്‍ വരുന്നു, പീറക്കവികളേ മാറിന്‍!' എന്ന കഥയോര്‍മ്മിപ്പിച്ചു കൊണ്ടുള്ള ആഗമനം കണ്ടു കേരളത്തിന്‍റെ അഴിമതി മടുത്ത മനസ്സ് കുളിരുകോരി... മന്ത്രിസഭയിലെ രണ്ടാമന്റെ പേരില്‍ വിജിലന്‍സ്  അന്വേഷണം ഉയര്‍ന്നപ്പോള്‍ ചുവപ്പ് കാര്‍ഡുധാരി പത്തി താഴ്ത്തി, വ്യക്തിപരമായ കാരണങ്ങളില്‍ ഒഴിഞ്ഞു മാറ്റത്തിനു തുനിഞ്ഞുകൊണ്ടിരിക്കുന്നു... ഈ പിന്മാറ്റം മന്ത്രിസഭയെ സംശയത്തിന്‍റെ നിഴലില്‍ പിടിച്ചു നിര്‍ത്തുകയാണ്!' തിരുവനന്തപുരത്തെന്തോ ചീഞ്ഞു നാറുന്നു  എന്നൊരു തോന്നലാണ് ജനങ്ങള്‍ക്കിടയില്‍ ഉണ്ടായത്.


സഖ്യകക്ഷിയായ സി പി ഐ യുടെ അസംതൃപ്തി പൊതുവെയും മുഖ്യമന്ത്രിയുടെ ഏക ഭരണത്തില്‍ വിശേഷിച്ചും പ്രകടിപ്പിച്ചു കഴിഞ്ഞു. രാഷ്ട്രീയ കൊലപാതകങ്ങളുടെ പരമ്പര... ജയരാജ മന്ത്രിയുടെ ദേശാഭിമാനപ്രചോദിതമായ രാജി! സ്ത്രീകളെ പതിന്നാലു  സെക്കണ്ടില്‍ കൂടുതല്‍ നോക്കരുതെന്ന ഡി ജി പി വിടുവായത്തം... ഹെല്‍മെറ്റ്‌ ഇല്ലാത്തവര്‍ക്ക് ഇന്ധനമില്ലെന്ന തീട്ടൂരം... അങ്ങാടിയില്‍ തോറ്റതിന് അമ്മയോടെന്ന വണ്ണം മുഖ്യമന്ത്രിക്കസേരയ്ക്ക് പകരം ഭരണപരിഷ്ക്കാര ചെയര്‍മാന്‍ സ്ഥാനവും അതിന്‍റെ  ആപ്പീസ് സെക്രട്ടേറിയറ്റില്‍ വേണമെന്ന 'വീയെസ്സിയന്‍ വാശി'യും!!  മേമ്പൊടിക്ക് എ  കെ ബാലന്റെ 'ഗര്‍ഭ'വും !!!


ഇതിലൊക്കെ രസകരമാണ് നേരത്തെ പ്രകീര്‍ത്തിച്ച പൊതുമരാമത്ത് മന്ത്രിയുടെ കാര്യം. വകുപ്പില്‍ സ്ഥലം മാറ്റത്തിന് മാനദണ്ഡം ഉണ്ടാകുമെന്നും മറ്റു ഇടപെടലുകള്‍ ഉണ്ടാവില്ലെന്നും സ്ത്രീകള്‍ക്ക് അവരവരുടെ ജില്ലയില്‍ തന്നെ നിയമനം നല്‍കുമെന്നുമൊക്കെ ഉച്ചൈസ്തരം ഘോഷിച്ച മന്ത്രിയിപ്പോള്‍  മിണ്ടുന്നില്ല. കാര്യമെന്തെന്നോ? അടുത്തിടെ സംസ്ഥാനത്ത് നടത്തിയ  പല സ്ഥലം മാറ്റങ്ങളും റദ്ദു ചെയ്യപ്പെട്ടു... സ്വന്തം ജില്ലയിലേക്ക് സ്ഥലം മാറ്റം പ്രതീക്ഷിച്ച വനിതാ ഉദ്യോഗസ്ഥര്‍ ഉള്‍പ്പെടെയുള്ളവര്‍ക്ക് ഒരു മാസത്തിനകം ലഭിച്ചത് രണ്ടും മൂന്നും സ്ഥലം മാറ്റ ഉത്തരവുകള്‍. മന്ത്രിക്കു മേലെയാണ് ജില്ലാ സെക്രട്ടറിയെന്നും ചില പാര്‍ട്ടി നേതാക്കളും എന്ന് തിരിച്ചറിയാന്‍ മന്ത്രി വൈകി !!! എപ്പോൾ വേണമെങ്കിലും സ്ഥാനചലനം സംഭവിക്കാമെന്നായതോടെ പുതിയ നിർമ്മാണ പ്രവർത്തനങ്ങൾ ആരംഭിക്കുന്നതിൽ ഉദ്യോഗസ്ഥരും ശുഷ്കാന്തി കാട്ടുന്നില്ല. ചുരുക്കത്തിൽ പവനായി  ശവമായി  എന്ന അവസ്ഥയാണ്  എന്ന് പറഞ്ഞാല്‍ മതിയല്ലോ!



Share this News Now:
  • Google+
Like(s): 935