08 May, 2022 08:48:03 PM


'ഷവർമ'യ്ക്ക് നിരോധനം ഏർപ്പെടുത്താനുള്ള നീക്കവുമായി തമിഴ്നാട് സർക്കാർ



ചെന്നൈ: തമിഴ്നാട്ടിൽ​ 'ഷവർമ'യുടെ നിർമാണവും വിൽപനയും നിരോധിക്കുന്നത്​ സർക്കാറിന്‍റെ പരിഗണനയിലാണെന്ന്​ ആരോഗ്യമന്ത്രി എം.സുബ്രമണ്യം. കേരളത്തിൽ ഷവർമ കഴിച്ച്​ വിദ്യാർഥിനി മരിച്ചു. പാശ്ചാത്യരാജ്യങ്ങളിലെ ഭക്ഷണമാണിത്. അവിടങ്ങളിൽ കാലാവസ്ഥയുടെ പ്രത്യേകത കാരണം കേടുവരാറില്ല. അതേസമയം നമ്മുടെ രാജ്യത്ത്​ കൂടുതൽ സമയം കേടുകൂടാതെ സൂക്ഷിക്കാനാവുന്നില്ല.

ഷവർമ കൂടുതലായും യുവജനങ്ങളാണ്​ ഭക്ഷിക്കുന്നത്​. കുറഞ്ഞ കാലയളവിനിടെ നിരവധി ഷവർമ വിൽപന കേന്ദ്രങ്ങളാണ്​ തുറന്നു പ്രവർത്തിക്കുന്നത്​. തമിഴ്​നാട്ടിൽ രണ്ട്​ ദിവസത്തിനിടെ ആയിരത്തിലധികം ഷവർമ കടകളിൽ റെയ്​ഡ്​ നടത്തുകയും കുറ്റക്കാർക്ക്​ പിഴ ചുമത്തുകയും ചെയ്തു. മിക്ക കടകളിലും കേടുവന്ന കോഴിയിറച്ചി കണ്ടെത്തിയ സാഹചര്യത്തിലാണ് സംസ്ഥാനത്ത്​ ഷവർമക്ക്​ നിരോധനമേർപ്പെടുത്താൻ​ആലോചിക്കുന്നതെന്നും മന്ത്രി പറഞ്ഞു.



Share this News Now:
  • Google+
Like(s): 6.4K