24 November, 2019 11:20:03 PM


കേ​ര​ള സ​ര്‍​വ​ക​ലാ​ശാ​ല മാര്‍ക്ക് തട്ടിപ്പ്: ഗു​രു​ത​ര വീ​ഴ്ച​; തുടരന്വേഷണം വേണമെന്ന് ക്രൈംബ്രാഞ്ച്



തി​രു​വ​ന​ന്ത​പു​രം: കേ​ര​ള സ​ര്‍​വ​ക​ലാ​ശാ​ല​യി​ലെ മാ​ര്‍​ക്ക് ത​ട്ടി​പ്പു​മാ​യി ബ​ന്ധ​പ്പെ​ട്ട് സ​ര്‍​വ​ക​ലാ​ശാ​ല​യു​ടെ ഭാ​ഗ​ത്തു ഗു​രു​ത​ര വീ​ഴ്ച​യു​ണ്ടാ​യ​താ​യും ത​ട്ടി​പ്പി​ന്‍റെ വ്യാ​പ്തി മ​ന​സ്സി​ലാ​ക്കാ​ന്‍ തു​ട​ര​ന്വേ​ഷ​ണം വേ​ണ​മെ​ന്നും ക്രൈം​ബ്രാ​ഞ്ച് റി​പ്പോ​ര്‍​ട്ട്. സോ​ഫ്റ്റ് വെ​യ​ര്‍ ത​ക​രാ​റാ​ണ് പി​ശ​കി​ന് കാ​ര​ണ​മെ​ന്ന് പ്രാ​ഥ​മി​കാ​ന്വേ​ഷ​ണ​ത്തി​ല്‍ ബോ​ധ്യ​പ്പെ​ട്ടി​ട്ടി​ല്ല. മോ​ഡ​റേ​ഷ​നു​മാ​യി ബ​ന്ധ​പ്പെ​ട്ടു സു​ര​ക്ഷാ പ്രോ​ട്ടോ​ക്കോ​ള്‍ പാ​ലി​ക്കു​ന്ന​തി​ല്‍ അ​ട​ക്കം ഗു​രു​ത​ര വീ​ഴ്ച സ​ര്‍​വ​ക​ലാ​ശാ​ല അ​ധി​കൃ​ത​രു​ടെ ഭാ​ഗ​ത്തു​നി​ന്നു​ണ്ടാ​യി.


വീ​ഴ്ച​ക​ള്‍ മ​റ​യാ​ക്കി എ​ത്ര​പേ​ര്‍​ക്ക് മാ​ര്‍​ക്ക് കൂ​ടു​ത​ല്‍ ല​ഭി​ച്ചു​വെ​ന്ന് ക​ണ്ടെ​ത്തു​ന്ന​തി​ന് കൂ​ടു​ത​ല്‍ അ​ന്വേ​ഷ​ണം വേ​ണ​മെ​ന്നും സി​റ്റി പൊ​ലീ​സ് ക​മീ​ഷ​ണ​ര്‍ എം.​ആ​ര്‍. അ​ജി​ത്ത് കു​മാ​റി​ന് ന​ല്‍​കി​യ റി​പ്പോ​ര്‍​ട്ടി​ല്‍ പ​റ​യു​ന്നു. റി​പ്പോ​ര്‍​ട്ട് ഉ​ട​ന്‍ സം​സ്ഥാ​ന പൊ​ലീ​സ് മേ​ധാ​വി​ക്ക് കൈ​മാ​റും. സോ​ഫ്റ്റ്​വെയറി​ലെ ത​ക​രാ​റാ​ണ് മോ​ഡ​റേ​ഷ​ന്‍ ന​ല്‍​കി​യ​തി​ല്‍ പി​ശ​കു​ണ്ടാ​കു​ന്ന​തി​നു കാ​ര​ണ​മാ​യ​തെ​ന്നാ​ണ് സ​ര്‍​വ​ക​ലാ​ശാ​ല നി​യോ​ഗി​ച്ച ര​ണ്ട് അ​ന്വേ​ഷ​ണ സ​മി​തി​ക​ളും ക​ണ്ടെ​ത്തി​യ​ത്. എ​ന്നാ​ല്‍, മോ​ഡ​റേ​ഷ​ന്‍ വി​വാ​ദ​ത്തി​ന്‍റെ ഉ​റ​വി​ട​മാ​യ ഇ.​എ​സ്​ സെ​ക്​​ഷ​നി​ലാ​ണ് പ്ര​ധാ​ന​മാ​യും തി​രി​മ​റി ന​ട​ന്നി​രി​ക്കു​ന്ന​തെ​ന്നാ​ണ് ക്രൈം​ബ്രാ​ഞ്ചി​ന്‍റെ പ്രാ​ഥ​മി​ക നി​ഗ​മ​നം.


ഇ​വി​ടെ ഉ​ദ്യോ​ഗ​സ്ഥ​ര്‍​ക്കു പ്ര​ത്യേ​ക ക​മ്ബ്യൂ​ട്ട​റു​ക​ള്‍ അ​നു​വ​ദി​ച്ചി​ട്ടി​ല്ല. ജീ​വ​ന​ക്കാ​ര്‍ മാ​റി​മാ​റി ക​മ്ബ്യൂ​ട്ട​ര്‍ ഉ​പ​യോ​ഗി​ക്കു​ക​യാ​ണ്. ക്ര​മ​ക്കേ​ടു​ണ്ടാ​യാ​ല്‍ ആ​രാ​ണ് ന​ട​ത്തി​യ​തെ​ന്ന് ക​ണ്ടെ​ത്താ​ന്‍ ക​ഴി​യി​ല്ല. മോ​ഡ​റേ​ഷ​ന്‍ മാ​ര്‍​ക്ക് അ​നു​വ​ദി​ക്കു​ന്ന ഡെ​പ്യൂ​ട്ടി ര​ജി​സ്​​ട്രാ​ര്‍​ക്ക് പോ​ലും പ്ര​ത്യേ​കം ക​മ്ബ്യൂ​ട്ട​ര്‍ ന​ല്‍​കി​യി​ട്ടി​ല്ല. ഡെ​പ്യൂ​ട്ടി ര​ജി​സ്​​ട്രാ​റു​ടെ യൂ​സ​ര്‍ ഐ​ഡി​യും പാ​സ്​​വേ​ഡും മ​റ്റ് ഉ​ദ്യോ​ഗ​സ്ഥ​ര്‍ ഉ​പ​യോ​ഗി​ക്കു​ന്ന അ​വ​സ്ഥ​യാ​ണു​ള്ള​ത്. ഇ​തു ക​ണ്ടെ​ത്താ​ന്‍ കേ​സ്​ ര​ജി​സ്​​റ്റ​ര്‍ ചെ​യ്ത് തു​ട​ര​ന്വേ​ഷ​ണം ന​ട​ത്ത​ണ​മെ​ന്നും റി​പ്പോ​ര്‍​ട്ടി​ല്‍ പ​റ​യു​ന്നു. ഡി.​ജി.​പി​യു​ടെ അ​നു​മ​തി ല​ഭി​ച്ചാ​ല്‍ കേ​സ്​ ര​ജി​സ്​​റ്റ​ര്‍ ചെ​യ്ത് അ​ന്വേ​ഷ​ണം ആ​രം​ഭി​ക്കും.



Share this News Now:
  • Mail
  • Whatsapp whatsapp
Like(s): 5.6K