09 February, 2022 08:16:03 AM
കളമശേരി കിൻഫ്ര പാർക്കിൽ വൻ അഗ്നിബാധ: മൂന്നുനില കെട്ടിടം പൂർണമായും കത്തിനശിച്ചു
കൊച്ചി: കളമശേരി മെഡിക്കൽ കോളജിന് സമീപം കിൻഫ്ര പാർക്കിൽ വൻ തീപിടിത്തത്തിൽ മൂന്നുനില കെട്ടിടം പൂർണമായും കത്തിനശിച്ചു. ഇന്നു രാവിലെ 6.30 ഓടെയാണ് തീപിടിത്തം ഉണ്ടായത്. കിന്‍ഫ്ര വ്യവസായ പാര്‍ക്കിനകത്ത് പ്രവർത്തിക്കുന്ന ഗ്രീൻ ലീഫ് എക്സ്ട്രാക്ഷൻസ് കമ്പനിയുടെ മൂന്ന് നില കെട്ടിടമാണ് കത്തിനശിച്ചത്.
സുഗന്ധ ദ്രവ്യങ്ങള്‍ നിർമിക്കുന്ന കമ്പനിയാണിത്. കൊച്ചി നഗരത്തിലെ വിവിധ യൂണിറ്റുകള്‍ ചേര്‍ന്ന് തീയണക്കാനുള്ള ശ്രമങ്ങള്‍ നടത്തിയത്. അപകടം നടക്കുമ്പോള്‍ നിരവധി ജീവനക്കാർ സ്ഥാപനത്തിലുണ്ടായിരുന്നു. ഇവരെ സുരക്ഷിത സ്ഥാനത്തേക്കു മാറ്റി. അദാനി ഗ്യാസിന്‍റെ പൈപ്പ് നിയന്ത്രണ കേന്ദ്രം സമീപത്തുള്ളതിനാൽ ആശങ്ക ഉയർത്തി. ഏലൂർ, തൃക്കാക്കക്കര ഫയർ സ്റ്റേഷനുകളിലെ അഗ്നിനിശമന സേനാംഗങ്ങളുടെ നേതൃത്വത്തിലാണ് തീപിടിത്തം നിയന്ത്രണവിധേയമാക്കാനുള്ള ശ്രമങ്ങൾ നടന്നത്.
