09 June, 2023 04:34:42 PM
വിദ്യ നടത്തിയ ക്രമക്കേടുകള്‍ എസ്എഫ്‌ഐയില്‍ കൊണ്ടുവന്ന് കെട്ടേണ്ട- പി.എം.ആര്‍ഷോ
കൊച്ചി: വ്യാജരേഖാ വിവാദത്തില്‍ കെ.വിദ്യയെ പൂര്‍ണമായി തള്ളി എസ്എഫ്‌ഐ. വിദ്യയുടെ ക്രമക്കേടുകള്‍ എസ്എഫ്‌ഐയില്‍ കൊണ്ടുവന്ന് കെട്ടേണ്ടെന്ന് എസ്എഫ്‌ഐ സംസ്ഥാന സെക്രട്ടറി പി.എം.ആര്‍ഷോ പറഞ്ഞു.
വ്യാജരേഖയില്‍ തനിക്ക് പങ്കുണ്ടെന്ന ആരോപണം ചിലര്‍ പ്രചരിപ്പിച്ചു. ഇതിന് തെളിവുണ്ടെന്ന് പറയുന്ന കെഎസ്‌യു നേതാക്കള്‍ തെളിവ് പുറത്തുവിടാത്തതെന്താണെന്നും ആര്‍ഷോ ചോദിച്ചു. തനിക്കെതിരെ നടന്ന ഗൂഢാലോചന പുറത്തുവരാനുണ്ടെന്നും ആര്‍ഷോ പറഞ്ഞു.
