07 July, 2023 12:16:45 PM
പോളയില്‍ കുടുങ്ങിയ ബാര്‍ജ് യന്ത്രസഹായത്തോടെ നീക്കി; വാട്ടര്‍ മെട്രോ സര്‍വീസ് ഉടന്‍ പുനരാരംഭിക്കും
കൊച്ചി: വൈറ്റില കണിയാമ്പുഴയില്‍ പോളയില്‍ കുടുങ്ങിയ ബാര്‍ജ് നീക്കി. യന്ത്രസഹായത്തോടെ കെട്ടിവലിച്ചാണ് ബാര്‍ജ് ഇവിടെനിന്ന് നീക്കിയത്.
ജലപാതയിലെ ഗതാഗത തടസം നീങ്ങിയതോടെ കൊച്ചി വാട്ടര്‍ മെട്രോയുടെ വൈറ്റില-കാക്കനാട് സര്‍വീസ് രാവിലെ 11ന് പുനഃരാരംഭിക്കുമെന്ന് അധികൃതര്‍ അറിയിച്ചു.
ചൊവ്വാഴ്ച പുലര്‍ച്ചെയാണ് ഫാക്ടിന്‍റെ പ്ലാന്‍റില്‍ റോക്ക് ഫോസ്‌ഫേറ്റ് ഇറക്കി തിരിച്ചു പോരുകയായിരുന്ന ബാര്‍ജ് പോളപ്പായലില്‍ കുടുങ്ങിയത്. ഇതോടെ കഴിഞ്ഞ മൂന്ന് ദിവസമായി വൈറ്റില-കാക്കനാട് റൂട്ടിൽ വാട്ടർ മെട്രോ സര്‍വീസ് മുടങ്ങിയിരുന്നു.
