20 May, 2022 09:49:54 AM


വി​ദേ​ശ​ത്ത് നി​ന്നും നാ​ട്ടി​ലെ​ത്തി​യ​യാ​ൾ​ മ​ർ​ദ​നമേറ്റ് മരിച്ചു; പിന്നിൽ സ്വർണക്കടത്തു സം​ഘ​മെന്ന് സംശയം

 

പാലക്കാട്: വി​ദേ​ശ​ത്ത് നി​ന്നും നെ​ടു​മ്പാ​ശേ​രി വി​മാ​ന​ത്താ​വ​ള​ത്തി​ൽ ഇ​റ​ങ്ങിയ യു​വാ​വ് മ​ർ​ദ​ന​മേ​റ്റ് മ​രി​ച്ചു. അ​ട്ട​പ്പാ​ടി അ​ഗ​ളി സ്വ​ദേ​ശി അ​ബ്ദു​ള്‍ ജ​ലീ​ല്‍ ആ​ണ് മ​രി​ച്ച​ത്. പെ​രി​ന്ത​ല്‍​മ​ണ്ണ​യി​ലെ സ്വ​കാ​ര്യ ആ​ശു​പ​ത്രി ചി​കി​ത്സ​യി​ലി​രി​ക്കെ​യാ​ണ് മ​ര​ണം സം​ഭ​വി​ച്ച​ത്. ‌പെ​രി​ന്ത​ല്‍​മ​ണ്ണ ആ​ക്ക​പ്പ​റ​മ്പി​ലാ​ണ് അ​ബ്ദു​ള്‍ ജ​ലീ​ലി​നെ പ​രി​ക്കു​ക​ളോ​ടെ ക​ണ്ടെ​ത്തി​യ​ത്. സ്വ​ര്‍​ണ​ക്ക​ട​ത്തു സം​ഘ​മാ​ണ് ആ​ക്ര​മ​ണ​ത്തി​ന് പി​ന്നി​ലെ​ന്നാ​ണ് സം​ശ​യം. ഇ​വ​രി​ൽ ഒ​രാ​ളെ കു​റി​ച്ച് വി​വ​രം ല​ഭി​ച്ചു. ഇയാൾ ഒ​ളി​വി​ലാ​ണ്.

ഈ ​മാ​സം 15 നാ​ണ് അ​ബ്ദു​ള്‍ ജ​ലീ​ല്‍ ജി​ദ്ദ​യി​ല്‍ നി​ന്ന് നെ​ടു​മ്പാ​ശ്ശേ​രി​യി​ലെ​ത്തി​യ​ത്. ഇ​യാ​ളെ കൊ​ണ്ടു​പോ​കാ​ൻ വീ​ട്ടു​കാ​ര്‍ എ​ത്തി​യി​രു​ന്നെ​ങ്കി​ലും അ​വ​ര്‍​ക്കൊ​പ്പം പോ​കാ​തെ സു​ഹൃ​ത്തു​ക്ക​ൾ​ക്കൊ​പ്പ​മാ​ണ് ഇ‍​യാ​ൾ പോ​യ​ത്.

എ​ന്നാ​ൽ ര​ണ്ട് ദി​വ​സം ക​ഴി​ഞ്ഞി​ട്ടും കാ​ണാ​തി​രു​ന്ന​തി​നെ തു​ട​ർ​ന്ന് വീ​ട്ടു​കാ​ർ പോ​ലീ​സി​ൽ പ​രാ​തി ന​ൽ​കി. തു​ട​ർ​ന്ന് അ​ന്വേ​ഷ​ണ​ങ്ങ​ൾ ന​ട​ക്കു​ന്ന​തി​നി​ടെ ക​ഴി​ഞ്ഞ ദി​വ​സ​മാ​ണ് ആ​ക്ക​പ്പ​റ​മ്പി​ൽ നി​ന്നും അ​ബ്ദു​ൾ ജ​ലീ​ലി​നെ പ​രി​ക്കേ​റ്റ നി​ല​യി​ൽ ക​ണ്ടെ​ത്തി​യ​ത്. ഗു​രു​ത​ര​മാ​യി പ​രി​ക്കേ​റ്റ ഇ​യാ​ളെ മൂ​ന്ന് യു​വാ​ക്ക​ള്‍ ആ​ശു​പ​ത്രി​യി​ല്‍ എ​ത്തി​ക്കു​ക​യാ​യി​രു​ന്നു. ആ​ശു​പ​ത്രി​യി​ലെ​ത്തി​ച്ച​ശേ​ഷം യു​വാ​ക്ക​ള്‍ മു​ങ്ങി​യ​താ​യി ആ​ശു​പ​ത്രി അ​ധി​കൃ​ത​ര്‍ പോ​ലീ​സി​നെ അ​റി​യി​ച്ചു.


Share this News Now:
  • Mail
  • Whatsapp whatsapp
Like(s): 5.6K