07 October, 2022 07:35:03 PM
മൊബൈൽ ഫോണിന്റെ പേരിൽ തർക്കം: സുഹൃത്തിനെ കൊല്ലാൻ ശ്രമിച്ച യുവാവ് അറസ്റ്റിൽ
ഏറ്റുമാനൂർ: സുഹൃത്തിനെ കൊലപ്പെടുത്താൻ ശ്രമിച്ച കേസിൽ യുവാവ് അറസ്റ്റിൽ. കോട്ടയം ഏറ്റുമാനൂർ കിഴക്കുംഭാഗം കുരിശുമല ഭാഗത്ത് വെള്ളാരംപാറ വീട്ടിൽ രാജൻ മകൻ അരുൺ രാജ് (30) എന്നയാളെയാണ് ഏറ്റുമാനൂർ പോലീസ് അറസ്റ്റ് ചെയ്തത്. ഇയാൾ കഴിഞ്ഞ ദിവസം തന്റെ സുഹൃത്തായ ബാബുവിനെ ആക്രമിച്ച് കൊലപ്പെടുത്താൻ ശ്രമിക്കുകയായിരുന്നു. ഒരുമിച്ച് ജോലി ചെയ്തിരുന്ന അരുൺ രാജ്യം, ബാബുവും തമ്മിൽ പ്രശ്നങ്ങൾ നിലനിന്നിരുന്നു.
ഇവർ ജോലി ചെയ്യുന്ന സ്ഥലത്ത് നിന്ന് ലഭിച്ച മൊബൈൽ ഫോണിന്റെ പേരിൽ വാക്ക് തർക്കം ഉണ്ടാവുകയും, അരുൺ രാജ് ഓട് ഉപയോഗിച്ച് ബാബുവിന്റെ തലയ്ക്ക് അടിക്കുകയുമായിരുന്നു. തുടർന്ന് പോലീസ് കേസ് രജിസ്റ്റർ ചെയ്യുകയും പ്രതിയെ പിടികൂടുകയുമായിരുന്നു. ഏറ്റുമാനൂർ സ്റ്റേഷൻ എസ്.എച്ച്.ഓ രാജേഷ് കുമാർ, എസ്.ഐ സ്റ്റാൻലി വി.ജെ, സി.പി.ഓ മാരായ മനോജ് എ.പി, ഡെന്നി, പ്രവീൺ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി റിമാൻഡ് ചെയ്തു.
