05 August, 2023 11:11:09 AM
പ്രസവിച്ചു കിടന്ന യുവതിയെ കൊലപ്പെടുത്താൻ ശ്രമം; ഭർത്താവിന്‍റെ സുഹൃത്ത് അറസ്റ്റിൽ
തിരുവല്ല: ആശുപത്രിയിൽ പ്രസവിച്ചു കിടന്ന യുവതിയെ സിറിഞ്ച് കുത്തിവെച്ച് കൊലപ്പെടുത്താൻ ശ്രമം. നഴ്സിന്‍റെ വേഷത്തിലെത്തിയ സ്ത്രീയാണ് ഇഞ്ചക്ഷൻ നൽകിയത്. പത്തനംതിട്ട പരുമല സെന്‍റ് ഗ്രിഗോറിയസ് ആശുപത്രിയിലാണ് സംഭവം. സംഭവത്തിൽ യുവതിയുടെ ഭർത്താവിന്‍റെ സുഹൃത്തായ അനുഷ എന്ന സ്ത്രീ അറസ്റ്റിലായി.
കായംകുളം പുല്ലുകുളങ്ങര സ്വദേശിയായ യുവതിയാണ് ആശുപത്രിയിൽ പ്രസവത്തിന് എത്തിയത്. ഒഴിഞ്ഞ സിറിഞ്ചിലൂടെ ഞരമ്പിലേക്ക് എയർ കടത്തി വിടുകയായിരുന്നു അനുഷ . ഇതേ തുടർന്ന് പ്രസവിച്ചു കിടന്ന സ്ത്രീയ്ക്ക് ഹൃദയാഘാതം ഉണ്ടായി. നിലവിൽ യുവതിയുടെ ആരോഗ്യനില തൃപ്തികരമാണ്. അപരിചതയായ സ്ത്രീയെ നഴ്സിന്‍റെ വേഷത്തിൽ കണ്ട ആശുപത്രി അധികൃതർ യുവതിയെ പിടികൂടുകയായിരുന്നു.
