14 May, 2019 03:44:04 PM
ലൈംഗികബന്ധത്തിന് തടസ്സമായപ്പോള്‍ സ്വന്തം കുഞ്ഞിനെ കൊന്നു; മാതാപിതാക്കള്‍ കുറ്റക്കാരെന്ന് കോടതി
ബേണ്‍വുഡ്‌: ലൈംഗികബന്ധത്തിന് തടസ്സമായതിനെ തുടര്‍ന്ന് രണ്ട്‌ മാസം പ്രായമായ കുഞ്ഞിനെ വധിച്ച സംഭവത്തില്‍ മാതാപിതാക്കള്‍ കുറ്റക്കാരാണെന്ന്‌ കോടതി. ഇംഗ്ലണ്ടിലെ ബോണ്‍വുഡില്‍ 2014 ഏപ്രിലിലാണ്‌ ടെയ്‌ലര്‍ മോര്‍ഗന്‍ എന്ന കുഞ്ഞ്‌ മരിച്ചത്‌. മരണസമയത്ത്‌ കുഞ്ഞിന്റെ വാരിയെല്ലുകള്‍ പൊട്ടിയ നിലയിലായിരുന്നു. ശ്വാസംമുട്ടിയാണ്‌ കുഞ്ഞ്‌ മരിച്ചതെന്നും പോസ്‌റ്റ്‌മോര്‍ട്ടത്തില്‍ തെളിഞ്ഞു. തുടര്‍ന്നാണ്‌ മാതാപിതാക്കളായ എമ്മാ കോള്‍, ലൂക്ക്‌ മോര്‍ഗന്‍ എന്നിവരിലേക്ക്‌ അന്വേഷണം തിരിഞ്ഞത്‌.
ലൈംഗികബന്ധത്തിന് തടസ്സമായപ്പോള്‍ കുഞ്ഞിനെ ഇരുവരും ചേര്‍ന്ന്‌ കൊലപ്പെടുത്തുകയായിരുന്നെന്ന് അന്വേഷണസംഘം കണ്ടെത്തി. ലൈംഗികബന്ധത്തിലേര്‍പ്പെടുന്നതിനിടെ കുഞ്ഞുണര്‍ന്ന്‌ കരഞ്ഞപ്പോള്‍ മദ്യലഹരിയിലായിരുന്ന ഇരുവരും കൂടി തലയിണ കുഞ്ഞിന്റെ മേല്‍ അമര്‍ത്തുകയായിരുന്നെന്നാണ്‌ അന്വേഷണസംഘം കണ്ടെത്തിയത്‌. അന്ന്‌ എമ്മയ്‌ക്ക്‌ പതിനെട്ടും ലൂക്കിന്‌ ഇരിപത്തിരണ്ടും വയസ്സായിരുന്നു പ്രായം. ജൂണ്‍ 21ന് കേസില്‍ വിധി പറയും.
