08 February, 2020 06:05:44 PM
സർക്കാർ മേഖലയിലെ ഏറ്റവും വലിയ ഡയാലിസിസ് സെന്‍റർ നെയ്യാറ്റിൻകരയില്‍ ഒരുങ്ങുന്നു
നെയ്യാറ്റിൻകര: സർക്കാർ മേഖലയിലെ ഏറ്റവും വലിയ ഡയാലിസിസ് സെന്‍റർ നെയ്യാറ്റിൻകര ജനറൽ ആശുപത്രിയിൽ ഒരുങ്ങുന്നു. എംഎല്‍എ ഫണ്ടുപയോഗിച്ച് സ്ഥാപിക്കുന്ന 14 യൂണിറ്റും കാരുണ്യ ഫണ്ടുപയോഗിച്ച് സ്ഥാപിക്കുന്ന 10 യൂണിറ്റും ഇപ്പോൾ നിലവിലുള്ള 6 യൂണിറ്റും ചേർന്ന് 30 പേർക്ക് ഒരേ സമയം ഡയാലിസിസ് ചെയ്യാനുള്ള സൗകര്യമാണ് നെയ്യാറ്റിൻകരയിൽ ഒരുങ്ങുന്നത്. മൂന്നര കോടിയോളം രൂപയാണ് അനുബന്ധ സൗകര്യങ്ങൾക്കുൾപ്പെടെ ചെലവായത്. ഫെബ്രുവരി 20 ന് മുഖ്യമന്ത്രി ഉദ്ഘാടനം ചെയ്യുന്ന യൂണിറ്റിന്‍റെ അവസാന ഘട്ട പണികൾ പുരോഗമിക്കുന്നു.
