17 January, 2022 06:34:21 PM
ആലപ്പി രംഗനാഥ് ഇനി ഓർമ്മ: ഔദ്യോഗിക ബഹുമതികളോടെ വിട
കോട്ടയം: കവിയും ചലച്ചിത്ര സംഗീതസംവിധായകനും നാടകരചയിതാവുമായ ആലപ്പി രംഗനാഥിന് സംസ്ഥാന സർക്കാരിനുവേണ്ടി സഹകരണ-രജിസ്‌ട്രേഷൻ വകുപ്പു മന്ത്രി വി.എൻ. വാസവൻ ആദരാഞ്ജലി അർപ്പിച്ചു. ഏറ്റുമാനൂർ ഓണംതുരുത്തിലെ സരോജിനീ വിലാസം വീട്ടിലെത്തിയാണ് ആദരാഞ്ജലി അർപ്പിച്ചത്. ഔദ്യോഗിക ബഹുമതികളോടെയാണ് സംസ്‌കാരച്ചടങ്ങുകൾ നടന്നത്.
സംഗീത ലോകത്തെ പ്രതിഭാശാലിയെയാണ് നഷ്ടപ്പെട്ടതെന്ന് മന്ത്രി വി.എൻ. വാസവൻ പറഞ്ഞു. നാടക-ചലച്ചിത്ര മേഖലകളിൽ നൽകിയ സംഭാവനകൾ നിസ്തുലമാണെന്നും അദ്ദേഹം പറഞ്ഞു. മുഖ്യമന്ത്രി പിണറായി വിജയനുവേണ്ടിയും ജില്ലാ ഭരണകൂടത്തിനുവേണ്ടിയും പുഷ്പചക്രം അർപ്പിച്ചു. ജില്ലാ ഇൻഫർമേഷൻ ഓഫീസർ എ. അരുൺ കുമാർ, കോട്ടയം തഹസിൽദാർ ലിറ്റിമോൾ തോമസ് എന്നിവർ സംസ്‌കാരചടങ്ങിൽ പങ്കെടുത്ത് ആദരാഞ്ജലി അർപ്പിച്ചു.
