24 April, 2020 09:52:02 AM
ഇന്ത്യയിൽ കോവിഡ് മരണസംഖ്യ 718 ആയി; 23,077 രോഗബാധിതർ; 24 മണിക്കൂറിനിടെ മരിച്ചവർ 37
ദില്ലി: രാജ്യത്ത് ദിനംപ്രതി കോവിഡ് 19 കേസുകൾ വർധിക്കുന്നു. കേന്ദ്ര ആരോഗ്യമന്ത്രാലയത്തിന്റെ കണക്ക് പ്രകാരം കഴിഞ്ഞ 24 മണിക്കൂറിനിടെ രാജ്യത്ത് 1,684 പേർക്കാണ് കോവിഡ് സ്ഥിരീകരിച്ചത്. ഇതോടെ രാജ്യത്ത് കോവിഡ് ബാധിതരുടെ എണ്ണം 23,077 ആയി. കോവിഡ് ബാധിച്ച് 24 മണിക്കൂറിനിടെ രാജ്യത്ത് മരിച്ചത് 37 പേരാണ്. ഇതോടെ മരണസംഖ്യ 718 ആയി ഉയർന്നു. 4,749 പേർ ഇതുവരെ രാജ്യത്ത് കോവിഡ് രോഗമുക്തരായി.
കേരളത്തിലും ഇന്ന് രാവിലെ ഒരു കോവിഡ് മരണം റിപ്പോർട്ട് ചെയ്തു. കോഴിക്കോട് ചികിത്സയിലുണ്ടായിരുന്ന നാല് മാസം പ്രായമുള്ള കുഞ്ഞാണ് മരിച്ചത്. ഹൃദയാഘാതത്തെ തുടർന്നായിരുന്നു മരണം. കുട്ടിക്ക് ഹൃദയസംബന്ധമായ രോഗങ്ങളും വളർച്ചക്കുറവും ഉണ്ടായിരുന്നു. ഇതോടെ കേരളത്തിൽ കോവിഡ് ബാധിച്ച് മരിച്ചവരുടെ എണ്ണം മൂന്നായി
