24 July, 2022 07:28:09 PM


മേക്കപ്പ് ആർട്ടിസ്റ്റിനെ ആക്രമിച്ച കേസിലെ പ്രതി തലയോലപ്പറമ്പില്‍ പിടിയിൽ



വൈക്കം: മണിശ്ശേരി ഭാഗത്തുള്ള സിനിമാ ഷൂട്ടിംഗ് സെറ്റിന്‍റെ മുൻവശത്ത് മേക്കപ്പ് ആർട്ടിസ്റ്റിനെ ആക്രമിച്ച കേസിൽ പ്രതി പിടിയിൽ. കുലശേഖരമംഗലം ശാരദാമഠം ഭാഗത്ത് സപ്തസ്വര നിവാസിൽ ഡാർവിൻ മകൻ ധനുഷ് ഡാർവിൻ (27) നെയാണ് തലയോലപ്പറമ്പ് പോലീസ് അറസ്റ്റ് ചെയ്തത്. സിനിമ മേക്കപ്പ് ആർട്ടിസ്റ്റ് കൂടിയായ മിഥുൻജിത്ത് കഴിഞ്ഞ ദിവസം ജോലി കഴിഞ്ഞു വരുമ്പോള്‍ ധനുഷ് ഡാർവിന്‍റെ നേതൃത്വത്തിലുള്ള സംഘം കമ്പിവടിയും മറ്റ് മാരക ആയുധങ്ങളുമായി ആക്രമിക്കുകയായിരുന്നു. 

ആക്രമണത്തിന് ശേഷം പ്രതികൾ ഒളിവിൽ പോയ ധനുഷ് ഡാർവിനെ ജില്ലാ പോലീസ് മേധാവി കെ. കാർത്തിക്കിന്‍റെ നേതൃത്വത്തിലുള്ള അന്വേഷണസംഘമാണ്  പിടികൂടിയത്. വൈക്കം ഡിവൈഎസ്പി. എ.ജെ. തോമസ്, തലയോലപ്പറമ്പ് എസ്. എച്ച്. ഓ. കെ എസ് ജയൻ, എസ്.ഐ. മാരായ ദീപു ടി.ആർ, സിവി, സീനിയർ സിവിൽ പോലീസ് ഓഫീസർമാരായ ഷാജിമോൻ, സിനാജ് എന്നിവരും അന്വേഷണ സംഘത്തിൽ ഉണ്ടായിരുന്നു. പ്രതിക്ക് വൈക്കം പോലിസ് സ്റ്റേഷന്‍ പരിധിയില്‍ മറ്റു കേസുകളും നിലവിലുണ്ട്. ഇയാളോടോപ്പമുണ്ടായിരുന്ന മറ്റു പ്രതികള്‍ക്കായുള്ള തിരച്ചില്‍ ശക്തമാക്കിയിരിക്കുകയാണ്


Share this News Now:
  • Mail
  • Whatsapp whatsapp
Like(s): 3.7K