13 December, 2022 12:53:49 PM
മക്കളെ മര്‍ദിച്ചതിന് പോലീസ് കേസെടുത്തതിന് പിന്നാലെ അച്ഛന്‍ വീടിനുള്ളില്‍ തൂങ്ങി മരിച്ചു
കല്‍പ്പറ്റ: മക്കളെ നിരന്തരം മര്‍ദ്ദിച്ചെന്നും ആയുധം ഉപയോഗിച്ച് ആക്രമിക്കാന്‍ ശ്രമിച്ചെന്നുമുള്ള കേസില്‍ പ്രതിയായ പിതാവിനെ തൂങ്ങി മരിച്ച നിലയില്‍ കണ്ടെത്തി. വാളാട് കണ്ണിമൂല കുടിയിരിക്കൽ ആന്റണി(45)യെയാണ് വീടിനുള്ളിൽ തൂങ്ങിമരിച്ചനിലയിൽ കണ്ടെത്തിയത്. മക്കളെ മർദിച്ചെന്ന പരാതിയിൽ ശനിയാഴ്ചയാണ് ഇയാളുടെ പേരില്‍ പൊലീസ് കേസ് രജിസ്റ്റര്‍ ചെയ്തത്. പൊലീസ് തിങ്കളാഴ്ച രാവിലെ സ്റ്റേഷനിൽ ഹാജരാകണമെന്ന് നിർദേശിച്ചിരുന്നു.
വെല്‍ഡിങ് ജോലിക്കാരാനായ ആന്റണി സ്ഥിരം മദ്യപാനിയായിരുന്നു. ഇദ്ദേഹത്തിന്റെ ഭാര്യ ഷാന്‍റി വിദേശത്താണ് ജോലി ചെയ്യുന്നത്. മദ്യപിച്ചെത്തി പത്തും പതിമൂന്നും വയസ്സുള്ള മക്കളെ മര്‍ദ്ദിക്കുന്നത് സ്ഥിരമായതോടെയാണ് ഭാര്യയുടെ ബന്ധുക്കളുടെ സഹായത്തോടെ കുട്ടികള്‍ പിതാവിനെതിരെ പരാതി നല്‍കിയത്. പൊലീസ് ഇന്‍ക്വസ്റ്റ് നടപടിയും വയനാട് മെഡിക്കല്‍ കോളേജ് ആശുപത്രിയിലെ പോസ്റ്റുമാര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുനല്‍കും.
