17 May, 2023 10:23:17 AM
വാഹനത്തിൽ ലിഫ്റ്റ് കൊടുത്തയാളുടെ ബാഗിൽ ആനപ്പല്ല്
വയനാട്: വാഹനത്തിൽ ലിഫ്റ്റ് കൊടുത്തയാളുടെ ബാഗിൽ ആനപ്പല്ല് കണ്ടെത്തിയ കേസിൽ അഞ്ച് വിനോദ സഞ്ചാരികൾ അറസ്റ്റിൽ. വയനാട് പുല്‍പ്പള്ളി ചീയമ്പം കോളനിയിലെ അജീഷും കോഴിക്കോട് സ്വദേശികളായ നാലു പേരുമാണ് അറസ്റ്റിലായത്. മുത്തങ്ങയില്‍ നടത്തിയ വാഹന പരിശോധനയിലാണ് അറസ്റ്റ്. അജീഷിന്‍റെ ബാഗില്‍ നിന്ന് അരക്കിലോ തൂക്കമുള്ള ആനപ്പല്ല് കണ്ടെടുത്തത്.
സംഘത്തിലുണ്ടായ ഒരാളുടെ സഹപാഠിയായ അജീഷിനെ വഴിയില്‍ നിന്നു കണ്ടപ്പോള്‍ ലിഫ്റ്റ് കൊടുത്തതാണെന്നാണ് കോഴിക്കോട് സ്വദേശികള്‍ പറയുന്നത്. വനത്തില്‍ നിന്നു വീണു കിട്ടിയതാണ് ആനപ്പല്ലെന്ന് അജീഷും മൊഴി നല്‍കി. ബത്തേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി പ്രതികൾക്ക് ജാമ്യം അനുവദിച്ചു.
