05 March, 2026 01:38:21 PM
പി.കെ. ശശിയെ സിപിഎം പുറത്താക്കി
പാലക്കാട്: സിപിഎം സംസ്ഥാന സെക്രട്ടറിക്കും ജില്ലാ സെക്രട്ടറിക്കുമെതിരെ അടക്കം രൂക്ഷ വിമര്ശനം ഉന്നയിച്ച് രംഗത്തെത്തിയതിന് പിന്നാലെ പി കെ ശശിക്കെതിരെ നടപടി. പി കെ ശശിയെ സിപിഎം പുറത്താക്കി. പ്രാഥമിക അംഗത്വത്തില് നിന്നാണ് പുറത്താക്കിയത്. തൊട്ടുപിന്നാലെ പാര്ട്ടി നടപടിയോട് പ്രതികരിച്ച് പി കെ ശശി രംഗത്തെത്തി. പുറത്താക്കാനുള്ള സമ്പൂര്ണ അധികാരം പാര്ട്ടിക്കുണ്ടെന്ന് പി കെ ശശി പറഞ്ഞു. ദീര്ഘകാലത്തെ സിപിഎം ബന്ധം അവസാനിച്ചു. പക്ഷേ പോരാട്ടം തുടരും. കള്ളന്മാരെ ജനങ്ങള്ക്ക് മുന്നില് തുറന്നുകാട്ടുമെന്നും പി കെ ശശി പറഞ്ഞു.
