07 May, 2020 09:23:35 AM


പാലക്കാട് ജില്ലയില്‍ മെയ് മാസത്തെ ഭക്ഷ്യധാന്യങ്ങള്‍ വിതരണത്തിന് തയ്യാറായി



പാലക്കാട്: മെയ് മാസത്തെ ഭക്ഷ്യധാന്യങ്ങള്‍ വിതരണത്തിന് തയ്യാറായതായി ജില്ലാ സപ്ലൈ ഓഫീസര്‍ അറിയിച്ചു. താഴെ വിവരിക്കും പ്രകാരമാണ് ഭക്ഷ്യധാന്യങ്ങള്‍ ലഭ്യമാക്കുക.


1.    എ.ഐ.വൈ വിഭാഗത്തില്‍പ്പെട്ട (മഞ്ഞ) കാര്‍ഡ് ഒന്നിന് 30 കിലോഗ്രാം അരിയും, അഞ്ച് കിലോഗ്രാം ഗോതമ്പും സൗജന്യമായി ലഭിക്കും. കൂടാതെ ഒരു കിലോഗ്രാം പഞ്ചസാര, 21 രൂപയ്ക്കും ലഭിക്കുന്നതാണ്.

  • കേന്ദ്ര സര്‍ക്കാരിന്റെ പി.എം.ജി.കെ.എ.വൈ പദ്ധതിപ്രകാരം, കാര്‍ഡിന് ഒരു കിലോഗ്രാം ചെറുപയര്‍ സൗജന്യമായി ലഭിക്കും
  • മെയ് 20 ന് ശേഷം പി.എം.ജി.കെ.എ.വൈ പദ്ധതിപ്രകാരം കാര്‍ഡിലെ ഓരോ അംഗത്തിനും അഞ്ച് കിലോഗ്രാം അരി സൗജന്യമായി ലഭിക്കും.


2.    മുന്‍ഗണനാ വിഭാഗത്തിലെ കാര്‍ഡില്‍ (പ്രയോരിറ്റി - പിങ്ക്) ഉള്‍പ്പെട്ട ഓരോ അംഗത്തിനും 4 കിലോഗ്രാം അരിയും ഒരു കിലോഗ്രാം ഗോതമ്പും കിലോഗ്രാമിന് രണ്ട് രൂപാ നിരക്കില്‍ ലഭിക്കുന്നതാണ്.

  • കേന്ദ്ര സര്‍ക്കാരിന്റെ പി.എം.ജി.കെ.എ.വൈ പദ്ധതിപ്രകാരം, കാര്‍ഡിന് ഒരു കിലോഗ്രാം ചെറുപയര്‍ സൗജന്യമായി ലഭിക്കും
  • മെയ് 20 ന് ശേഷം പി.എം.ജി.കെ.എ.വൈ പദ്ധതിപ്രകാരം കാര്‍ഡിലെ ഓരോ അംഗത്തിനും അഞ്ച് കിലോഗ്രാം അരി സൗജന്യമായി ലഭിക്കും.


3.    മുന്‍ഗണനേതര സബ്‌സിഡി (നോണ്‍-പ്രയോരിറ്റി സബ്‌സിഡി) വിഭാഗത്തില്‍പ്പെട്ട രണ്ട് രൂപ നിരക്കിലുളള ഭക്ഷ്യധാന്യ വിതരണ പദ്ധതിയില്‍ ഉള്‍പ്പെട്ടവര്‍ക്ക് ഓരോ അംഗത്തിനും രണ്ട് കിലോഗ്രാം അരി വീതം കിലോഗ്രാമിന് നാല് രൂപ നിരക്കിലും കൂടാതെ ഓരോ കാര്‍ഡിനും ഒന്ന് മുതല്‍ മൂന്ന് കിലോഗ്രാം വരെ ഫോര്‍ട്ടിഫൈഡ് ആട്ട ലഭ്യതയനുസരിച്ച് കിലോഗ്രാമിന് 17 രൂപ നിരക്കിലും ലഭിക്കുന്നതാണ്.

  • കൂടാതെ അധിക വിഹിതമായി കാര്‍ഡിന് 10 കിലോഗ്രാം അരി കിലോഗ്രാമിന് 15 രൂപ നിരക്കില്‍ ലഭിക്കുന്നതാണ്.


4.    മുന്‍ഗണനേതര നോണ്‍ സബ്‌സിഡി (എന്‍.പി.എന്‍.എസ്.) വിഭാഗത്തില്‍പ്പെട്ടവര്‍ക്ക് കാര്‍ഡൊന്നിന് രണ്ട് കിലോഗ്രാം അരി കിലോഗ്രാമിന് 10.90 രൂപ നിരക്കിലും ഒന്ന്  മുതല്‍ മൂന്ന് കിലോഗ്രാം വരെ ഫോര്‍ട്ടിഫൈഡ് ആട്ട ലഭ്യതയനുസരിച്ച് കിലോഗ്രാമിന് 17 രൂപ നിരക്കിലും ലഭിക്കുന്നതാണ്.

  • കൂടാതെ അധിക വിഹിതമായി കാര്‍ഡിന് 10 കിലോഗ്രാം അരി കിലോഗ്രാമിന് 15 രൂപ നിരക്കില്‍ ലഭിക്കുന്നതാണ്.


5.    എല്ലാ വിഭാഗത്തിലുമുളള വൈദ്യുതീകരിച്ച വീടുകളിലെ റേഷന്‍ കാര്‍ഡുടമകള്‍ക്ക് (ഇ), 0.50 (അര) ലിറ്റര്‍ മണ്ണെണ്ണയും, വൈദ്യുതീകരിക്കാത്ത വീടുകളിലെ റേഷന്‍ കാര്‍ഡുടമകള്‍ക്ക് (എന്‍ഇ), നാല് ലിറ്റര്‍ മണ്ണെണ്ണ ലിറ്ററിന് 18 രൂപ നിരക്കിലും ലഭിക്കുന്നതാണ്.

  • കൂടാതെ 2020 ഏപ്രില്‍ മാസം മണ്ണെണ്ണ വിഹിതം വാങ്ങിക്കാന്‍ സാധിക്കാത്ത ഗുണഭോക്താക്കള്‍ക്ക് ഏപ്രില്‍ മാസത്തെ വിഹിതം മെയ് മാസത്തെ റേഷന്‍ വിഹിതത്തോടൊപ്പം വാങ്ങിക്കാവുന്നതാണ്.

പൊതുവിതരണം സംബന്ധിച്ച പരാതികള്‍ 180042515501967 എന്ന ടോള്‍ഫ്രീ നമ്പറിലോ ജില്ലാ സപ്ലൈ ഓഫീസിലോ ബന്ധപ്പെട്ട താലൂക്ക് സപ്ലൈ ഓഫീസുകളിലോ അറിയിക്കാവുന്നതാണ്. താലൂക്ക് സപ്ലൈ ഓഫീസ്, ആലത്തൂര്‍ - 04922 222325, താലൂക്ക് സപ്ലൈ ഓഫീസ്, ചിറ്റൂര്‍ - 04923 222329, താലൂക്ക് സപ്ലൈ ഓഫീസ്, മണ്ണാര്‍ക്കാട് - 04924 222265, താലൂക്ക് സപ്ലൈ ഓഫീസ്, ഒറ്റപ്പാലം - 0466 2244397, താലൂക്ക് സപ്ലൈ ഓഫീസ്, പാലക്കാട് - 0491 2536872, താലൂക്ക് സപ്ലൈ ഓഫീസ്, പട്ടാമ്പി - 0466 2970300, താലൂക്ക് സപ്ലൈ ഓഫീസ്, പാലക്കാട് - 0491- 2505541



Share this News Now:
  • Google+
Like(s): 2.6K